اسلام آباد ( نمائندہ خصوصی )کورونا وباءمیں کمی ہونے لگی، چوبیس گھنٹو ں میں 236 کیسز رپورٹ ہوئے ، کوئی ہلاکت رپورٹ نہیں ہوئی ، مثبت کیسز کی شرح 1عشاریہ 55 فیصد تک پہنچ گئی ، لاہور مثبت کیسز میں سرفہرست ہے۔قومی ادارہ صحت کے مطابق گزشتہ 24 گھنٹے میں 15ہزار191ٹیسٹ کئے گئے،جن میں سے 236 کیسز پازیٹیو رپورٹ ہوئے ، گزشتہ 24 گھنٹے میں کورونا سے کوئی ہلاکت نہیں ہوئی تاہم ملک کے مختلف ہسپتالوں میں زیرعلاج 152مریضوں کی حالت تشویشناک ہے ،لاہورمیں مثبت کیسزکی شرح سب سے زیادہ 8.3 فیصد ریکارڈ کی گئی،مردان 7.69 ،میرپور5.88،اسلام آباد 3.16 ،کوئٹہ 2.63 اور پشاور میں 1.27 فیصد رہی ، کراچی میں مثبت کیسز کی شرح 1.11 ریکارڈ کی گئی
