آج کل میں آنے والی بلاک بسٹر سیریل میں مصروف ہوں، اداکارہ نسرین جون

کراچی (مرزا افتخار بیگ) پاکستان کی 1990 کی دہائی میں NTM سے آن ایئر ہونے والی مشہور و معروف کرائم سیریز "پس آئینہ” کی اداکارہ، جنہوں نے اس سیریز میں ASI کا کردار بخوبی نبھایا اور آج بھی ان کی وجہ شہرت بنا ہوا ہے، نسرین جون ان دنوں پاکستان کے صف اول کے ہدایتکار کی آنے والی سیریل میں مصروف ہیں، یہ بات انہوں نے بذریعہ فون پر بات چیت میں بتائی جس میں ان ہدایتکار کا نام اور سیریل کا نام بتانے سے گریز کیا، انہوں نے مزید بات چیت میں کہا کہ "اس سیریل میں میگا کاسٹ کام کر رہی ہے، جس میں میرا کردار بھی اہم حیثیت کا حامل ہے، گو کہ میں نے ان صف اول کے ہدایتکار صاحب کے ساتھ ماضی میں بہت سے پروجیکٹس کر چکی ہوں اسی بناء پر انہوں نے ایک بار پھر میری صلاحیتوں سے فائدہ اٹھانے کا سوچ کر سیریل میں مجھے بک کیا، یہ تو آپ سب سیریل دیکھ کر بتائیے گا جب آن ایئر ہوگی کہ سیریل کیسی ہے اور سب نے کیسے کردار ادا کیے ہیں؟” واضح رہے نسرین جون اس سے قبل پاکستانی فلموں میں بھی کام کر چکی ہیں مگر انہوں نے پاکستان کی پہلی سائیکو تھرلر فیچر فلم "ہوٹل” میں "انشولا دیوی” کا کردار نبھا کرمیڈیا انڈسٹری میں اپنی نئی پہچان بنائی، "ہوٹل” فلم نے ہندوستان کے شہر دہلی میں منعقدہ دہلی انٹرنیشنل فلم فیسٹول میں 2 ایوارڈ حاصل کیے جو پاکستان کے لیے کسی بڑے اعزاز سے کم نہیں۔