کراچی(اسٹاف رپورٹر)
معروف فلم میکر ضرار خان کی عالمی سطح پر تسلیم شدہ سنسنی خیز شاہکار فلم ” ان فلیمز“ کا آج ٹیزر جاری کیا جائے گا ۔اس فلم کا شدت کے ساتھ انتظار کیا جارہا ہے جوکراچی کے ایٹریم مال میں 
20اکتوبرسے31اکتوبر2023 تک اپنی دس روزہ خصوصی اسکرینگ سے پاکستانی شائقین کو اپنی گرفت میں کرنے کےلئے تیار ہے۔فلم کی پروڈیوسر انعم عباس جن کی اس سے قبل فلم داغ داغ اجالا پاکستان کے ہم عصر سرگرم کارکنوں کے بارے میں ہے، اس بات پر یقین رکھتی ہیں کہ کراچی کا سیٹ ”ان فلیمز“ پاکستان کی فلم 
انڈسٹری میں ایک شاندار اور انقلابی بیانیہ کی وکالت کرتا ہے۔ بلاشبہ یہ ایک اختراعی اور اچھوتے خیالات پر مبنی فلم ہے جو پاکستان میں نیا مقام بنانے کےلئے تیار ہے۔یگزیکٹو پروڈیوسر شانت جوشی جو ایک ایوارڈ یافتہ 
پروڈیوسر اورلاس انجلس اور ٹورنٹو میں واقع فائی پکچرز کے صدر ہیں ، کے غیر معمولی اور شاندار منصوبوں کو عالمی سطح پر بہت زیادہ پذیرائی ملی ہے۔باصلاحیت پاکستانی فلم میکر ضرار خان کی ہدایت کار ی اور تحریرکردہ فلم ’ان فلیمز“ سخت پدرانہ معاشرے کے محدود ماحول میں رہنے کے نتائج کو اجاگر کرتی ہے۔فلم 
پاکستان میں ظلم وجبر کے نفسیاتی اثرات اور جوانی کی محبت کی پیچیدگیوں کو اجاگر کرتی ہے۔’ان فلمیز ‘ آپ کو کراچی کی دھول سے اٹی خوبصورتی میں غرق کرتی ہے اورآپ کو مشکل انتخاب کا مشاہدہ کراتی ہے جو دوسرے شہر میں زندہ رہنے کےلئے ضروری ہے۔فلم کی کہانی ایک ماں اور بیٹی کی ہے جو باپ کی اچانک موت کی وجہ سے کی جانے والی جدوجہد کی متاثر کن اور سحر انگیز کہانی کے ارد گرد گھومتی ہے ۔ جذبات سے بھرپوربیانیہ شائقین کے دلوں کو محسور کرتا ہے۔معتبر یہ حقیقتاً ایک انقلابی فلم ہے جو پاکستان میں نئے افق کھولے گی۔
