تحریر:عظمیٰ راحیل
نبیل الرحمن لطفی کی حالیہ فلم 13 کا پریمیئر مقامی سینما میں ہوا 25 ستمبر 2023 کوہوا اس فلم کا ٹریلر ٹی وی ریڈیو اور سوشل میڈیا پر کافی دنوں تک وائرل ہوا ۔یہ نبیل الرحمن لطفی کی پہلی فلم ہے۔فلم کی کاسٹ میں شامل ۔عدنان شاہ ٹیپو سلیم معراج افرا نبیل تقی احمد اور وہاج علی خان نے مرکزی کردار ادا کیا۔یہ فلم معاشرے میں ہونے والے مظالم اور قانون کی بے حسی کو مد نظر رکھتے ہوئے بنائی گئی ہے۔
ایک مظلوم پر ہونے والے ظلم کے خلاف اس کا باپ کس طرح معاشرے کے موزی عناصر کا خاتمہ کرتا ہے۔اوراصل مجرموں کو تلاش کر کے ان کا خاتمہ کر دیتا ہے جنہوں نے اس کے ہنستے بستے گھر کا خاتمہ کر دیا تھا۔ عدنان شاہ ٹیپو نے اپنے کردار کو بخوبی نبھایا ہے اور اپنے کردار کو ایمانداری سے ادا کیا ہے اور عدنان شاہ ٹیبو پاکستان میں اور پڑوسی ملک میں بھی اپنی اداکاری کے جوہر دکھا چکے ہیں۔
اسی طرح سلیم معراج بھی ہماری فلم اور ٹی وی انڈسٹری کے بہت ہی منجھے ہوئے اداکار ہیں انہوں نے بھی بہت بہترین اداکاری کی ہے۔مجموعی طور پر یہ ایک اچھی مووی ہے۔ اس میں پبلک کو مزاح کے ساتھ ساتھ یہ سبق بھی دیا گیا ہےکہ معاشرے میں ہونے والے گناہ بعض اوقات قانون کی بے حسی اور معاشرے میں رشوت کے بڑھتے ہوئے رجحان کی وجہ سے بھی ہوتے ہیں اس کے علاوہ بچوں کی تربیت پر ماں باپ کو دھیان دینا چاہیے۔یہ مجموعی طور پر ایک بہترین فلم ہے۔
اس فلم کے پریمیئر میں شوبز انڈسٹری سے تعلق رکھنے والے بہت سے افراد نے شرکت کی جن میں رائٹر شوکت علی مظفر, شعیب صدیقی, محسن طلعت,شاہد یونس, مانی, حمیرا علی چودہری, عرفان موتی والا , زین بیگ, جنید اختر, سائمہ قریشی , نیہا لاج, قاسم نے علی, ایم علی جوش, اغا طلال, انعمتہ قریشی,ناہیدہ شمیم , ذیشان قدیر خان, آر جے عمران خان, اس کے علاوہ دیگر بہت سے ارٹسٹ موجود تھے
