فن اور فنکار پاکستان کا سب سے قیمتی اثاثہ ہیں،معروف مصنفہ وہدایتکارہ عاصمہ بٹ

راولپنڈی۔ ( نمائندہ خصوصی):معروف مصنفہ و ہدایتکارہ محترمہ عاصمہ بٹ نے پاکستانی فنکاروں کو ایک اہم ثقافتی اثاثہ قراردیتے ہوئے کہا ہے کہ فن اور فنکار کسی قوم کی شناخت اور فکری ترقی کی بنیاد ہوتے ہیں۔اپنے بیان میں انہوں نے اس بات پر زور دیا کہ ادب، تھیٹر، فلم اور دیگر فنون نہ صرف سماجی بیداری کو بڑھاتے ہیں بلکہ ایک مثبت قومی امیج کو بھی فروغ دیتے ہیں۔انہوں نے اس بات پر زور دیا کہ فنکاروں کو معاشرے کے سب سے حساس طبقے کے طور پردکھانے کیلئے آزادی، احترام اور حمایت کی ضرورت ہے۔انہوں نے ریاست اور اداروں پر زور دیا کہ وہ فن کو فعال طور پر فروغ دیں کیونکہ فنکاروں کی حمایت کرنا ملک کے ثقافتی اور فکری مستقبل میں سرمایہ کاری ہے۔