سینیٹر علامہ ڈاکٹر خالد محمود سومرو شہید

سندھ کے شہر لاڑکانہ سے تعلق رکھنے والے عظیم علمی ، سیاسی شخصیت ۔۔۔۔۔۔۔۔۔، خالد محمود سومرو 8 مئ 1959 کو عاقل گاؤں لاڑکانہ میں پیدا ہوئے ۔۔۔۔۔۔۔۔۔۔ آپ نے عصری تعلیمی میدان میں ایف ایس سی ڈگری کالج اور ایم بی بی ایس چانڈکا میڈیکل کالج سے گریجویشن کی ۔۔۔۔۔۔۔۔۔ جبکہ دینی تعلیم اپنے والد محترم مولانا علی محمد سومرو کی قائم کردہ دینی ادارہ جامعہ اسلامیہ اشاعت القرآن و الحدیث میں حاصل کی ، اور ایم اے اسلامیات کی ڈگری سندھ یونیورسٹی سے لی ۔۔۔۔۔۔۔ طالب علمی ہی کے زمانے میں ہی ڈاکٹر خالد محمود سومرو مذہبی جماعت جمعیت علماء اسلام کی شاگرد تنظیم جمعیت طلبہ اسلام میں جنرل سیکرٹری کے عہدے پر فائز رہے ۔۔۔۔۔۔۔۔۔ آپ حضرت عبدالکریم بیر شریف ، اور خواجگان خواجہ ، حضرت اقدس مولانا خان محمد رح کے مرید اور بیعت رہے ۔۔۔۔۔۔۔۔۔ خالد محمود سومرو ، نہ صرف سندھ بلکہ ملک بھر کی طرح بیرون ممالک میں بھی بے باک اور نڈر خطیب کے طور پر جاننے جاتے تھے ۔۔۔۔۔۔۔ شیرنی اور جوشیلی انداز میں فن خطابت پر مہارت حاصل تھی ۔۔۔۔۔۔۔۔ سیاسی زندگی کا آغاز جے یو آئی سے ہی کیا اور صوبائی و قومی اسمبلی لاڑکانہ سے محترمہ بینظیر بھٹو شہید کے مقابلے میں الیکشن لڑا ۔۔۔۔۔۔۔۔ لاڑکانہ سیٹ سے اپنی زندگی میں الیکشن کے میدان میں سیایس جوہر دکھاتے رہے ۔۔۔۔۔۔۔۔ اسی محنت کے پیش نظر جے یو آئی نے انہیں سینیٹ کا اعزاز دلوایا ، یوں آپ 2004 سے 2012 تک سینیٹر رہے ۔۔۔۔۔۔۔۔۔
شہید علامہ ڈاکٹر خالد محمود سومرو اپنی ذات میں ایک انجمن تھے ۔۔۔۔۔۔۔۔۔ سندھ ایشوز میں کالا باغ ڈیم ، بھاشا ڈیم اور عوامی مسائل سمیت اقلیتی برادری کے حقوق کی جراتمندانہ آواز رہے ۔۔۔۔۔۔۔۔۔۔۔ مسجد کے منبر و محراب سے لیکر ایوان سینیٹ تک آپکی نڈر اور حق گوئی کا جادو بولتا رہا ۔۔۔۔۔۔۔۔۔
1984 میں مینار پاکستان پر جے یو آئی نے بڑی کانفرنس منعقد کی ۔۔۔۔۔۔۔۔۔ جہاں خالد محمود سومرو نے سندھ کا مقدمہ پیش کیا ،، جو جواب تھا پنجاب کے حنیف رامے کو ، جس نے پنجاب کا مقدمہ نامی کتاب لکھی تھی ۔۔۔۔۔۔۔ اس کتاب میں سندھ کے خلاف باتیں تھیں ۔۔۔۔۔۔ علامہ خالد محمود سومرو شہید نے کانفرنس سے خطاب کرتے ہوئے کہا کہ سندھ میں 8 سے 10 ہزار تک ڈاکٹرز ، بے روزگار ہیں ، میرٹ کا قتل عام بھی ہورہا ہے ۔۔۔۔۔۔۔ سندھ کے پانی پر پنجاب قابض ہے ، سندھ کا ساحلی علاقوں کو پانی نہیں مل رہا ۔۔۔۔۔۔۔ اس طرز کی تقریر کے کچھ ہی دنوں بعد سندھ حکومت کی جانب سے گھر بھیٹے آپکو جناح ہسپتال کراچی کے کئے انچارج کی جاب ملتی ہے ۔۔۔۔۔۔ اس آڈر کو ڈاکٹر خالد محمود سومرو نے ضمیر کے مطمئن نہ ہونے پر قبول نہی کیا ۔۔۔۔۔۔۔
گندمی رنگ پر سفید کلر کا کپڑا اور گھنی لمبی داڑھی کے ساتھ سر پر زرد رومال والی پگڑی آپکی شخصیت کو مزید نکھار جاتی ۔۔۔۔۔۔۔۔۔۔ کلام الٰہی کو خوبصورت آواز سے گونجتی آواز میں میں تلاوت کرکے سامعین پر رقت و سحر طاری ہوجاتی ۔۔۔۔۔۔۔۔۔ علامہ خالد محمود سومرو ، کی ایمانی روحانیت ، جذبہ جہاد سے سرشار رہتی ، افغان جہاد کے وقت جہادی آیات کے ذریعے جو تقریر کرتے ، سامرجی قوتوں پر لرزہ طاری ہوجاتا تھا ۔۔۔۔۔۔۔۔ آپ شوق شہادت اور وقت شہادت کے لمحات کو دل کی گہرائی سے بیان کرتے تھے ، یہی وجہ ہیکہ شہادت سے چند گھنٹوں پہلے اسی عنوان پر شاندار خطاب فرمایا ۔۔۔۔۔۔۔۔۔۔۔ علامہ ڈاکٹر خالد محمود سومرو اکثر ان اشعار کو بڑے جوش و جذبہ سے پڑھتے ۔۔۔۔۔۔۔
میں خاک نشیں ہوں ، میری جاگیر مصلیٰ ہے ،،، شاہوں کو سلامی میرے مسلک میں نہی ہے ۔۔۔۔۔۔۔۔
چلتی بندوق کے میں دھانے پہ ہوں ،، مجھ کو معلوم ہے میں نشانے پہ ہوں ۔۔۔۔۔۔۔
قاتلو ! قتل گاہیں سجاتے رہو ،، سینے حاضر ہیں ، گولی چلاتے رہو ،، میں اسلام پہ تن من لٹانے پہ ہوں ،، مجھکو معلوم ہے میں نشانے پہ ہوں ۔۔۔۔۔۔۔۔۔
علامہ ڈاکٹر خالد محمود سومرو شہید کا ایک قول یہ بھی پیکہ
٫٫ وہ قوم سیاسی ، سماجی اور معاشی ترقی کیسے کرسکتی ہے ۔۔۔۔۔۔ جو موالی کو مولائ ، ڈرائیور کو استاذ ، استاذ کو ماسٹر ، جابر و ظالم کو سائیں ، دادا گیر کو کامریڈ سمجھے ۔۔۔۔۔۔۔
علامہ خالد محمود سومرو ایک تاریخ تھے ، کردار تھے ، دوستوں سے محبت کرنے والے انسان تھے ۔۔۔۔۔۔۔۔ جب کبھی کوئ سرگرمی ہوتی تو صحافی دوستوں کو ضرور یاد کرتے ۔۔۔۔۔۔۔۔ اور ہر پروگرام کے بعد شکریہ کا میسج ضرور کرتے ۔۔۔۔۔۔۔ شہادت سے قبل اپنے صاحبزادے کی شادی کا دعوت ولیمہ ، میسج مجھے بھی کیا ۔۔۔۔۔۔۔ لیکن کیا خبر کہ یہ خوشیوں بھری دعوت ،، شہادت جیسی عظیم خبر بنکر ہمیں ملے گی ۔۔۔۔۔۔۔۔ 29 نومبر 2014 کی صبح بوقت فجر ۔۔۔۔۔۔۔ سنت فجر کی دوسری رکعات کے عین سجدہ کے دوران دہشگردوں کا نشانہ بنے ۔۔۔۔۔۔ دستار و پیشانی خون سے رنگین ہوکر جائے نماز اور مسجد کی زمین میں شہادت کا پاکیزہ خون آبیاری کرچکا تھا۔۔۔۔۔۔۔۔ ہر طرف خبر جنگل کی آگ کی طرح پھیل چکی تھی ۔۔۔۔۔۔۔۔۔ مجھے اسی لمحے صبح کے ساتھ بجے ، میری قابل احترام بہن ، سینیٹر سسئ پلیجو نے فون کرکے یہ المناک خبر دی۔۔۔۔۔۔۔۔۔ وہ جو ہم ، رات گزرے قریبی دوستوں سے شادی پر جانے کا مشورہ کرچکے تھے ۔۔۔۔۔۔۔ اب شہید اسلام ،، شہید سندھ کا جنازہ سامنے تھا ۔۔۔۔۔۔۔۔۔ کبھی میسج پڑھتا ،، کبھی شہادت کی خبر کو دیکھتا ۔۔۔۔۔۔۔ یقین ہی نہی آرہا تھا کہ میرا دوست ،، محبت کرنے والا جری عالم دین اب ہم میں نہ رہا ۔۔۔۔۔۔۔۔۔ مجھے یاد ہے وہ وقت 2013 کا وہ سال سرد موسم کی شروعات ۔۔۔۔۔۔۔ قائد جمعیت مولانا فضل الرحمان کا ایک بڑے قافلہ کے ہمراہ ، جسمیں ڈاکٹر خالد محمود سومرو بھی تھے ،، سجاول میں مولانا عبدالغفور قاسمی رح کے لواحقین سے تعزیت کے لئے آنا ۔۔۔۔۔ ہم یعنی ،، سیف الملوک شاہ اور میں ، 125 موٹر سائیکل پر سسئ ٹول پلازہ سے اس قافلہ کو لیا اور سجاول کیطرف گامزن رہے ۔۔۔۔۔۔۔ کہ مکلی بائ پاس پر شاہ جی سے موٹر سائیکل قابو میں نہ رہ سکی اور ہم گرکر زخمی ہوئے ۔۔۔۔۔۔۔ چونکہ ہم مولانا کے سامنے گرے ، اور زخمی ہوئے ، ہمیں اٹھانے میں اور سیکیورٹی پر معمور موبائل پر ڈال کر ہسپتال روانہ کرنے میں فوری مستعد کردار ادا کرنے والی شخصیت کا نام ڈاکٹر خالد محمود سومرو ہے ۔۔۔۔۔۔۔۔۔ یہ سجاول پہنچے ، اور ہم ضروری فرسٹ ایڈ کے بعد اپنے گھر پہنچے ۔۔۔۔۔۔۔ کراچی جاتے واپسی پر مولانا فضل الرحمان صاحب نے ہماری عیادت کو اپنا فرض سمجھا ۔۔۔۔۔۔ شہید ڈاکٹر خالد محمود سومرو انہیں لے آئے شاہ جی کے گھر ۔۔۔۔۔۔ وہیں باہر انکا استقبال میں نے ہی کیا ، مجھے دیکھ کر ڈاکٹر خالد محمود سومرو شہید نے چیخ کر سندھی زبان میں کہا کہ تم زندہ ہو ؟؟؟ میرے حساب سے تم تو ختم تھے ۔۔۔۔۔۔۔۔ جسکا جواب میں نے یوں دیا کہ اللہ تعالیٰ کا فضل اور اہل حق اور اللہ والوں کی نظروں کا کرم ہے کہ ہم آپکے سامنے ہیں ۔۔۔۔۔۔۔۔
شہید ڈاکٹر خالد محمود سومرو آپ ایک عظیم انسان تھے ۔۔۔۔۔ اپکے بعد آپکی شخصی کمی ضرور ہے ۔۔۔۔۔ پر آپکا مشن ،، آپکی آواز آج بھی آپکے صاحبزدگان کے ذریعے زندہ و جاوید ہے ۔۔۔۔۔۔۔ اور ان شاءاللہ تعالیٰ بہت جلد آپکی سینیٹ کی چھوڑی ہوئ نشست ، بھی پر ہونے والی ہے ، آپکی آواز وہاں پھر گونجے گی ان شاءاللہ ۔۔۔۔۔۔۔
علامہ ڈاکٹر خالد محمود سومرو شہید کا قتل اور خون سے انصاف تا حال نہی ہوسکا ہے ۔۔۔۔۔ لواحقین ، متعلقین جماعت اور دوست و احباب آج بھی عدالت عالیہ کیطرف سوالیہ نشان چھوڑے ہوئے ہیں ، کہ انصاف کا تقاضہ کب پورا ہوگا اور شہید اسلام و سندھ کو انصاف مل سکے گا ۔۔۔۔۔۔۔۔ ؟؟؟