کراچی (رپورٹ اقبال سہوانی) مظفرگڑھ جنوبی پنجاب کا وہ ضلع زرخیز علاقہ ہے جہاں سے علم و ادب سمیت زندگی کے ہر شعبے میں بہت سے نمایاں شخصیات نے ملک کے طول و عرض اور بیرون ملک نام اور مقام بنایا ہے اسی ضلع تعلق رکھنے والی سرائیکی اور اردو کی پانچ کتابوں کی مصنفہ اور شاعرہ شاہدہ علوی وفا آجکل کراچی آئی ہوئی ہیں جن کے اعزاز میں ہفتے کی شام ایک شعری نشست، ہوم ٹی وی کے لیے انٹرویو اور عشائیہ کا مربوط پروگرام طے پایا۔ شعری نشست کی کامیابی کے لیے فرخ اظہار، کشور عروج، صدف بنتِ اظہار، شگفتہ ناز اور ناصر رضوان خان سے شرکت کی درخواست کی اور ایک خوبصورت شام منعقد ہوئی جس میں متذکرہ بالا احباب نے اپنا کلام بھی سنایا اور اظہارِ خیال بھی کیا۔
شعروسخن کے بعد ہوم ٹی وی کی جانب سے تحائف کی شکل مہمانوں کو گلدستے، کتابیں اور سال رواں کی ڈائیریز پیش کیے گئے اور ناصر رضوان خان ایڈوکیٹ سپریم کورٹ کے ہاتھوں مہمانِ خاص شاہدہ علوی وفا کو یادگاری شیلڈ اور راقم کی جانب سےحرا شبیر کو پروگرامز کی گولڈن جوبلی مکمل کرنے اعلیٰ کارکردگی کی امتیازی شیلڈ پیش کی گئی اور بعد ازاں پرتکلف عشائیے کے ساتھ یہ خوبصورت نشست اختتام ہوئی
