برطانیہ میں مسافر طیارہ خوفناک حادثے سے بال بال بچ گیا

کیپ ٹاؤن ایئر پورٹ پر برطانیہ میں مسافر طیارہ حادثے سے بال بال بچ گیا، طیارے کا دروازہ ٹوٹ کر زمین پر گرگیا تاہم کسی مسافر کے زخمی ہونے کی اطلاع نہیں ملی۔

تفصیلات کے مطابق برطانیہ کے کیپ ٹاؤن ایئر پورٹ پر مسافر طیارے کے ساتھ اتفاقی طور پر حادثہ پیش آیا، مذکورہ برٹش ائیرویز کا مسافر طیارہ لندن ہیتھرو سے کیپ ٹاؤن پہنچا تھا۔

برٹش ایئرویز کا بوئنگ 777 کی لینڈنگ کے بعد تمام مسافر اور عملہ جہاز سے اترچکا تھا تاہم خوش قسمتی سے دروازہ گرنے کی وجہ سے کسی قسم کا جانی نقصان نہیں ہوا اور مسافر زخمی ہونے سے محفوظ رہے۔

British Airways Boeing 777-300ER – Cape Town International Airport International Terminal – 26 January 2022.

"That'll Buff Right Out!" pic.twitter.com/3pB6p55t3g

— Ivan Leon (@IvanLeonZA) January 26, 2022

غیر ملکی خبر رساں ادارے کی رپورٹ کے مطابق مذکورہ طیارہ تقریباً 12 گھنٹے کی پرواز کے دوران نو ہزار670 کلومیٹر کا فاصلہ طے کرکے پہنچا تھا۔

طیارے کو بدھ کی رات مقامی وقت کے مطابق رات 8.50 بجے واپسی کا سفر طے کرنا تھا لیکن پرواز کو منسوخ کر دیا گیا اور مسافروں کو دوسرے طیارے کے ذریعے روانہ کیا گیا۔

مذکورہ طیارہ اگلی منزل کی جانب روانگی کی تیاری کر ہی رہا تھا کہ خوش قسمتی سے روانگی سے قبل ہی یہ واقعے پیش آیا جس کے بعد طیارے کو گراؤنڈ کردیا گیا۔

واقعے کی تصاویر سوشل میڈیا پر شیئر کی گئی ہیں۔ کیپ ٹاؤن انٹرنیشنل ایئرپورٹ پر ہونے والے واقعے کی تحقیقات جاری ہیں۔