کراچی(نمائندہ خصوصی)چیف سیکریٹری سندھ سید آصف حیدر شاہ کی زیر صدارت محکمہ اینٹی کرپشن کا اہم جلاس سندھ سیکریٹریٹ میں منعقد ہوا۔ اجلاس میں چیئرمین اینٹی کرپشن فرحت جونیجو سمیت دیگر شریک ہوئےاجلاس میں اینٹی کرپشن کے 11 افسران کو ترقی دینے کی منظوری دی گئی۔ ترقی پانے والوں میں انسپیکٹر زاہد حسین میرانی اور سرفراز شاہ کو بطور اسسٹنٹ ڈائریکٹر ترقی دینے کی منظوری دی گئی۔ اسسٹنٹ ڈائریکٹر اسد علی کورائی کو بطور ڈپٹی ڈائریکٹر ترقی دینے کی منظوری دی گئی۔ اجلاس میں محمد پرویز عالم، سلیم عباس شاہ، میر محمد کھوکھر، منور علی سالرو، نظام الدین، اورنگزیب ابڑو، اصغر علی اور محمد قمر علی سمیت8 اسسٹنٹ کو بھی بطور آفیس سپرنٹینڈنٹ گریڈ 17 میں ترقی دینے کی منظوری دی گئی۔ چیف سیکریٹری سندھ سید آصف حیدر شاہ نے تمام ترقی پانے والے ملازمین کو مبارکباد دی۔
