وزیر داخلہ محسن نقوی کراچی آمد:مزار قائد پر حاضری ۔پھول رکھے اور فاتحہ خوانی کی

کراچی(نمائندہ خصوصی)وفاقی وزیر داخلہ و چیئرمین پاکستان کرکٹ بورڈ محسن نقوی پی ایس ایل فائنل دیکھنے کراچی پہنچ گئے اس موقع پر وفاقی وزیر داخلہ و چیئرمین پی سی بی محسن نقوی کی مزار حاضری دی وزیر داخلہمحسن نقوی نے مزار قائد پر حاضری دی۔ پھول رکھے اور فاتحہ خوانی کی ۔وفاقی وزیر داخلہ و چیئرمین پی سی بی محسن نقوی نے ملک کی ترقی۔ قیام امن۔ استحکام اور سالمیت کے لئے دعا کی ۔محسن نقوی نے وطن عزیز کے امن کیلئے اپنی جانوں کا نذرانہ پیش کرنے والے بہادر سپوتوں کے لئے خصوصی دعا کی
وفاقی وزیر داخلہ و چیئرمین پی سی بی محسن نقوی نے وزیٹر بک میں تاثرات درج کئے محسن نقوی نے قائد اعظم محمد علی جناح کی ولولہ انگیز قیادت اور ان تھک محنت کو زبردست الفاظ میں خراج تحسین پیش کیا ۔محسن نقوی نے کیا کہ قائد اعظم محمد علی جناح کا پاکستان ہماری منزل ہے ۔ وزیر داخلہ محسن نقوی نے کہا کہ قائد اعظم کے اصولوں پر عمل پیرا ہو کر ہی وطن عزیز کو امن کا گہوارہ بنایا جا سکتا ہے۔