ٹوکیو(نمائندہ خصوصی عرفان صدیقی سے)
اداکار تنویر جمال کی طبیعت خراب، جاپان کے اسپتال میں داخل کر دیا گیا
تفصیلات کے مطابق معروف اداکار ، پروڈیوسر ،ڈائریکٹر تنویر جمال کوطبیعت کی ناسازی کے باعث جاپان کے شہر تویاما کے اسپتال میں داخل کردیا گیا ہے ، تنویر جمال کینسر کے مرض میں مبتلا ہیں اور تازہ ترین اطلاعات کے مطابق کینسر نے ان کے پھیپڑوں کو شدید نقصان پہنچایا ہے
جس سے ان کو سانس لینے میں شدید مشکلات کا سامنا ہے ، ان کے قریبی ذرائع کے مطابق تنویر جمال اسٹیج فور کینسر کا شکار ہیں ، انھیں کافی عرصہ قبل کینسر کی تشخیص ہوگئی تھی اور پاکستان میں بھی ان کا علاج ہوا ہے تاہم گزشتہ ماہ تنویر جمال مزید علاج کے لیے جاپان آگئے تھے تاہم ان کا کینسر کافی حد تک پڑھ چکا ہے
اس کے باوجود ڈاکٹروں نے ان کا علاج شروع کردیا ہے جبکہ ان کے اہل خانہ نے دنیا بھر میں تنویر جمال کے چاہنے والوں سے ان کے لیے خصوصی دعا کی اپیل کی ہے ۔
