قائد حزب اختلاف کی اسحق ڈار کی بطور نگران وزیراعظم نامزدگی کی مخالفت

اسلام آباد (نمائندہ خصوصی)قومی اسمبلی میں قائد حزب اختلاف راجا ریاض نے وزیر خزانہ اسحق ڈار کو نگران وزیر اعظم بنانے کی مخالفت کرتے ہوئے کہا ہے کہ اگر وہ نگران وزیراعظم بنے تو پھر انتخابات دو سال تک نہیں ہوں گے۔میڈیا سے غیر رسمی گفتگو کے دوران اپوزیشن لیڈر نے نگران وزیراعظم کے لیے مسلم لیگ (ن) کے رہنما اور وزیر خزانہ اسحٰق ڈار کے نام کی مخالفت کی اور کہا کہ اسحق ڈار کے نگران وزیراعظم ہوتے ہوئے اگر انتخابات ہوئے تو انتخابات کو کوئی نہیں مانے گا۔انہوں نے کہا کہ اسحق ڈار نگران وزیر اعظم بنے تو سمجھیں انتخابات دو سال تک نہیں ہوں گے۔انہوںنے کہاکہ سحق ڈار سے متعلق خواجہ آصف کا بیان بھی واضح ہے اور مسلم لیگ (ن) کوئی نام ظاہر کرے یا میڈیا پر چلوائے مجھ سے اس پر مشاورت کی ضرورت نہیں۔راجا ریاض نے کہا کہ بطور اپوزیشن لیڈر مجھے اپنے تین نام دینے ہیں اور میں یکم اگست تک وزیراعظم سے نگران حکومت کے معاملے پر ملاقات کروں گا۔اپوزیشن رہنماو¿ں سے مشاورت کے حوالے سے انہوںنے کہاکہ جلد نگران وزیراعظم کے نام پر مشاورت شروع کر رہا ہوں، دو تین روز تک اپوزیشن رہنماو¿ں سے ملاقاتیں ہوں گی۔ایک سوال پر انہوں نے کہا کہ ملک میں انتخابات ضروری نہیں ہیں، 10 سال بھی الیکشن نہ ہوں تو کوئی بات نہیں بلکہ ملک اور عوام کے مسائل زیادہ ضروری ہیں۔قائد حزب اختلاف نے کہا کہ اس وقت جو چیلنجز درپیش ہیں ان کا حل سب سے ضروری ہے، کوئی معاشی ماہر ملک کا نگران وزیراعظم ہونا چاہیے۔