کوئٹہ( نمائندہ خصوصی )
ایم ڈی پی ٹی وی سہیل علی خان پی ٹی وی سینٹرز دورے میں کوئٹہ پہنچے ۔ کوئٹہ سینٹر کا دورہ کیا اور پروڈکشن کے معیار کا جائزہ لیا ۔ ڈائریکٹر انجینئرنگ عارف نور بھی ہمراہ تھے ۔
ریجنل لینگویجز کے سب سے بڑے نیٹ ورک پی ٹی وی بولان کے پہلے ٹرانسمیٹر کا افتتاح ایم ڈی پی ٹی وی سہیل علی خان نے کردیا ۔ جدید ٹرانسمیٹر انسٹالیشن سے بولان کی نشریات اب UHF عام انٹینا سے بھی دیکھی جاسکیں گے ۔ ڈائریکٹر انجینئرنگ عارف نور اور انجینئیرنگ مینیجر کوئٹہ سینٹر سید نبو جان آغا ٹرانسمیٹر تنصیب اور نشریات کے حوالے سے بریف کیا ۔ 500 واٹ ٹرانسمیٹر کی تنصیب کے بعد بولان کی نشریات کا نیٹ ورک مذید بڑھ گیا ہے ۔ اب بولان کی نشریات ان علاقوں میں بھی دیکھی جاسکیں گی جہاں کیبل یا ڈش انٹینا کی سہولت موجود نہیں ۔ اندازہ ہے کہ ٹرانسمیٹر انسٹالیشن کے بعد مذید 30 سے 35 لاکھ لوگ پی ٹی وی فیملی کا حصہ بن جائیں گے ۔ ایم ڈی پی ٹی وی سہیل علی خان نے کوئٹہ میں ورچوئل اسٹوڈیوز بنانےطکے احکامات بھی دئیے ۔ کوئٹہ سینٹر دورے میں جنرل مینیجر سید فہیم شاہ نے نیوز ، کرنٹ افئیرز اور پروگرامز کے حوالے سے بریف کیا ۔ انہیں بتایا گیا کہ کوئٹہ سینٹر سے براہوی ، بلوچی اور پشتو زبانوں میں پروگرام نشر کئے جاتے ہیں ۔ سی بی اے مشعل یونین نے بھی ایم ڈی پی ٹی وی سے ملاقات کی ۔ ایم ڈی سہیل علی خان نے پاکستان ٹیلیوژن کوئٹہ سینٹر میں ٹیکنیکل ایریا سمیت دیگر سیکشنز کا بھی دورہ کیا ۔ ہیڈ آف ڈپارٹمنٹس نے اپنے اپنے شعبوں کی زمہ داریوں اور پرفارمنس پر بریف کیا ۔
