اسلام آباد ( نمائندہ خصوصی)پنجاب میں الیکشن کرانے کے پیسے دس اپریل کو بھی الیکشن کمیشن کو نہ مل سکے۔سپریم کورٹ کے حکم پر حکومت کو 21 ارب روپے دس اپریل کو الیکشن کمیشن کو دینے تھے لیکن یہ رقم دس اپریل کو بھی الیکشن کمیشن کو نہ مل سکی۔حکومت نے پیسے دینے پر قومی اسمبلی سے رائے مانگ لی اور الیکشن اخراجات کا بل قومی اسمبلی بھیج دیا۔بل کو اسپیکر نے قائمہ کمیٹی کے سپرد کردیا اور قومی اسمبلی کا اجلاس اب اگلی جمعرات کو ہوگا۔الیکشن کمیشن پیسے ملنے یا نہ ملنے کی رپورٹ کل سپریم کورٹ کو پیش کرے گا۔
