اسلام آباد( نمائندہ خصوصی)کابینہ ڈویژن نے سرکاری محکموں اور ملازمین کو 120 چیٹ اپلیکیشنز سے دور رہنے کی ہدایت کر دی ہے۔تفصیلات کے مطابق دشمن ایجنسیاں چیٹ اپلیکیشنز کے ذریعے جاسوسی میں مصروف ہیں، اس سلسلے میں کابینہ ڈویژن سے اہم ہدایت جاری کی گئی ہے۔
کابینہ ڈویژن نے سرکاری محکموں اور ملازمین کے لیے ایڈوائزری جاری کرتے ہوئے سرکاری چیٹ اپلیکیشنز سے دور رہنے کی ہدایت کر دی ہےایڈوائزری میں کہا گیا ہے کہ اپلیکیشنز کے ذریعے سرکاری ملازمین کو ٹریپ کر کے حساس معلومات حاصل کی جاتی ہے، اس لیے سرکاری ملازمین و شہری صرف گوگل پلے اسٹور سے اپلیکشن انسٹال کریں۔
ایڈوائزری میں کہا گیا ہے کہ سوشل میڈیا پر کسی لنک کے ذریعے اپلیکشن ڈاؤن لوڈ نہ کریں، اپلیکیشن کے ڈاؤن لوڈ کرنے سے پہلے اس کی مکمل تفصیلات پڑھ لیں۔
ایڈوائزری میں غیر محفوظ یا نامعلوم وائی فائی کے ذریعے انٹرنیٹ رسائی حاصل نہ کرنے کی بھی ہدایت کی گئی ہے۔
