کراچی(نمائندہ خصوصی) صوبائی وزیر اطلاعات سندھ شرجیل انعام میمن نے کہا ہے کہ پی ٹی آئی سیاسی جماعت نہیں ، نوٹنکی کرنے والوں کا ٹولہ ہے ،اسیمبلیاں تحلیل کرنے کا اعلان محض اعلان ہی رہا ۔ اپنے ایک بیان میں انہوں نے کہاکہ وزیر اعلیٰ پنجاب کے بعد وزیر اعلیٰ محمود خان نے بھی عمران خان کو شٹ اپ کال دے دی، یہ لوگ قومی اسمبلی کے اسپیکر کے سامنے بھی پیش نہیں ہوئے، کے پی کے میں تو ان کو کسی نے نہیں روکا ، اسیمبلی کیوں نہیں تحلیل کی ؟ شرجیل انعام میمن نے کہاکہ عمران خان اور ان کے حواری بلیک میلنگ ، دھونس ، دھمکی اور پولیٹیکل انجنئیرنگ کے ذریعے دوبارہ اقتدار حاصل کرنا چاہتے ہیں ، پی ٹی آئی سربراہ ملک پر عمرانی ڈاکٹرائن مسلط کرنا چاہتے ہیں ، انہوں نے مزید کہاکہ ملک کے آئین و قانون کو محض کاغذ کا ٹکڑا سمجھتے ہیں ، کے پی کے میں امن و امان کی صورتحال سنگین صورتحال اختیار کر گئی ہے ، اور پی ٹی آئی استعفوں اور اسیمبلیاں تحلیل کرنے کے کھیل میں مصروف ہے ، صوبائی وزیر اطلا عات شرجیل انعام میمن نے کہاکہ کے پی کے کا ڈپٹی اسپیکر ، پولیس تھانے محفوظ نہیں ، انہوں نے کہا کہ پی ٹی آئی ملک کو عدم استحکام اور بے یقینی کی صورتحال میں رکھنا چاہتی ہے،عمران خان نہیں چاہتے کہ پاکستان کی معیشت چلے۔ انہوں نے کہا کہ عمران خان کی پوری خواہش ہے کہ ملک میں سری لنکا جیسی صورتحال جنم لے۔
