کراچی(بیورو رپورٹ) پاکستان میری ٹائم سیکیورٹی ایجنسی اور کلیکٹو ریٹ آف کسٹمزانفو رسمنٹ کراچی کے مشترکہ انٹیلی جنس پر مبنی انسداد منشیات آپریشن میں منشیات کی بڑی کھیپ کی اسمگلنگ کو روکا گیا۔ آپریشن کے دوران شمالی بحیرہ عرب سے تقر یباًٍٍ 420کلو گرام آئس کرسٹل لے جانے والی نا معلوم کشتی سمیت 05 اسمگلروں کو گر فتار کیا گیا۔بین الاقوامی منڈی میں منشیات کی
مالیت کا تخمینہ تقریباً 4.9 ارب روپے ہے۔دریں اثناء پاکستان میری ٹائم سیکیورٹی ایجنسی اور کلیکٹو ریٹ آف کسٹمز انفو رسمنٹ کراچی کی جانب سے کامیاب آپریشن جس کے نتیجے میں بڑی مقدار میں منشیات کی ضبطگی اس بات کا ثبوت ہے کہ ہم کسی بھی غیر قانونی کام/مقاصد کے لیے پاکستانی پانیوں کے استعمال کو روکنے کے لیے چوکس اور پرعزم ہیں۔ پاکستان میری ٹائم سیکیورٹی ایجنسی سمندر میں امن و امان قائم کرنے کے لیے اپنی قومی ذمہ داریوں کو نبھاتا رہے گا۔
