کیپٹن کرنل شیر خان شہید کی لازوال قربانی پاکستان کی عسکری تاریخ کا ایک روشن باب ہے۔ محترمہ فرح عظیم شاہ

کوئٹہ ( نمائندہ خصوصی)رکن بلوچستان ۔ایمان پاکستان ٹرسٹ کی چیئرپرسن اور بلوچستان عوامی پارٹی ویمن ونگ کی سربراہ محترمہ فرح عظیم شاہ نے کارگل جنگ کے عظیم ہیرو کیپٹن کرنل شیر خان شہید نشانِ حیدر کے 27ویں یومِ شہادت پر انہیں زبردست خراجِ عقیدت پیش کرتے ہوئے کہا ہے کہ کیپٹن کرنل شیر خان شہید کی لازوال قربانی پاکستان کی عسکری تاریخ کا ایک روشن اور ناقابلِ فراموش باب ہے۔کوئٹہ میں کیپٹن کرنل شیر خان کے یوم شہادت کے موقع پر خصوصی پیغام میں محترمہ فرح عظیم شاہ نے کہا کہ کیپٹن کرنل شیر خان شہید نے انتہائی نامساعد حالات میں غیر معمولی جرات، بہادری، فرض شناسی اور حب الوطنی کا مظاہرہ کرتے ہوئے دفاعِ وطن کے لیے اپنی جان کا نذرانہ پیش کیا اور ہمیشہ کے لیے قوم کے ہیرو بن گئے۔کرنل شیر خان کی بہادری کا تو اعتراف بھارتی بریگیڈیئر نے خط اور اپنی کتاب میں بھی کیا ہے محترمہ فرح عظیم شاہ نے مزید کہا کہ وطن کا دفاع ہر پاکستانی کا مقدس فریضہ ہے اور شہدا کی عظیم قربانیوں کی بدولت پاکستان آج امن، استحکام اور خودمختاری کے ساتھ قائم ہے۔ رکن بلوچستان اسمبلی محترمہ فرح عظیم شاہ نے کہا کہ وطن کی خاطر جانوں کا نذرانہ پیش کرنے والے شہدا پوری قوم کے لیے باعثِ فخر ہیں اور ان کی قربانیاں آنے والی نسلوں کے لیے مشعلِ راہ رہیں گی بلوچستان میں صوبائی و وفاقی حکومتیں اور صوبے کے عوام ہر بیرونی اور اندرونی خطرے کے مقابلے میں اپنی بہادر مسلح افواج کے شانہ بشانہ کھڑے ہیں اور ملک کی سلامتی، دفاع اور استحکام کے لیے کسی بھی قربانی سے دریغ نہیں کریں گے۔محترمہ فرح عظیم شاہ نے کہا کہ قوم کیپٹن کرنل شیر خان شہید سمیت تمام شہدا کی عظیم قربانیوں کو ہمیشہ عزت و احترام سے یاد رکھے گی اور ان کے ایثار و قربانی کی روایت آئندہ نسلوں کے لیے حوصلے اور عزم کا سرچشمہ بنی رہے گی۔