مشعال ملک اور رضیہ سلطان کا ہیلی کاپٹر حادثے میں شہید ہونے والے میجر ایس ایم منیر کے گھر جا کر شہید کے اہل خانہ سے تعزیت اور ہمدردی کا اظہار

اسلام آباد۔( نمائندہ خصوصی):حریت رہنمایاسین ملک کی اہلیہ مشعال ملک اور صاحبزادی رضیہ سلطان نے مظفرآباد ہیلی کاپٹر حادثے میں شہید ہونے والے میجر ایس ایم منیر شہید کے گھر جا کر شہید کے اہل خانہ سے تعزیت اور ہمدردی کا اظہار کیا۔یہاں جاری بیان کے مطابق مشعال ملک نے ہیلی کاپٹر حادثے میں شہید میجر ایس ایم منیر کو خراج عقیدت پیش کیا۔مشعال ملک نے شہید کی اہلیہ، بہن اور بیٹیوں سے ملاقات کی اور فاتحہ خوانی کی۔مشعال ملک نے ملک و قوم کے امن، استحکام اور شہید کے بلند درجات کے لیے خصوصی دعا کرتے ہوئے کہا کہ قوم اپنے شہداء کی قربانیوں کو کبھی فراموش نہیں کر سکتی۔ مشعال حسین ملک نے کہا کہ میجر ایس ایم منیر شہید کے اہل خانہ کے غم میں برابر کے شریک ہیں،شہداء کی قربانیاں قوم کا سرمایہ ہیں۔