‏بنوں: بکا خیل میں ہونے سکیورٹی آپریشن میں کالعدم ٹی ٹی پی اور پشتون پی ٹی ایم کا مبینہ گٹھ جوڑ بے نقاب

بنوں ( مائنٹر‏نگ ڈیسک)۔ بنوں کے علاقے بکا خیل میں ہونے والے حالیہ سکیورٹی آپریشن کے بعد کالعدم ٹی ٹی پی اور پشتون تحفظ موومنٹ (PTM) کے مبینہ گٹھ جوڑ کے مزید شواہد سامنے آئے ہیں۔ ذرائع کے مطابق، بکا خیل کارروائی کے دوران ہلاک ہونے والے دہشت گردوں میں شامل شاہد، جو "کمانڈو” کے نام سے جانا جاتا تھا، ماضی میں پی ٹی ایم سے وابستہ رہا اور بعد میں اس نے کالعدم ٹی ٹی پی میں شمولیت اختیار کر لی تھی۔سوشل میڈیا پر سامنے آنے والی ایک تصویر نے اس بحث کو مزید ہوا دی ہے، جس میں ہلاک ہونے والے عسکری کمانڈر شاہد عرف کمانڈو کو پی ٹی ایم کے سینئر رہنما عبدالصمد کے ساتھ بیٹھے ہوئے دیکھا جا سکتا ہے۔سکیورٹی ذرائع کا کہنا ہے کہ یہ شواہد اس تشویشناک امر کی تصدیق کرتے ہیں کہ کس طرح بعض عناصر سیاسی یا حقوق کی تحریکوں کی آڑ لے کر بعد میں دہشت گرد نیٹ ورکس کا حصہ بن جاتے ہیں، جو خطے کے امن کے لیے ایک سنگین خطرہ ہے۔