منی پور(نیوز ڈیسک):بھارتی ریاست منی پور کے بے گناہ عوام کو نشانہ بنا کر اور گھروں کو نذر آتش کر کے مودی انتقامی سیاست پر اتر آیا ہے۔تفصیلات کے مطابق منی پور کے علیحدگی پسند گروہوں کے سامنے بے بس بھارتی فوج اب نہتے شہریوں پر طاقت آزمانے لگی ۔بھارتی جریدہ انڈیا ٹوڈے کے مطابق منی پور کے ضلع کانگپوکپی کے گاؤں کھارام وائپھیئی میں لگنے والی آگ سے پانچ مکانات مکمل تباہ ہو گئے ،کوکی تنظیموں نے واقعے کی غیرجانبدار تحقیقات اور 
ذمہ دار عناصر کے تعین کا مطالبہ کر دیا، واقعہ چرچ رہنماؤں کے قتل میں انصاف اور 14 یرغمال افراد کی رہائی کیلئے جاری کوکی زو تنظیموں کی احتجاجی ریلیوں کے دوران پیش آیا۔منی پور کے مزاحمتی گروہ کے ٹوئٹ کے مطابق بھارتی عسکری گروہ آسام رائفلز نے منی پور کے علاقہ اُکھرول میں بے گناہ لوگوں پر فائرنگ کر کے گھروں کو آگ لگا دی ہے۔عالمی ماہرین کے مطابق منی پورمیں اندرونی خلفشار کے باعث بدامنی عروج پر اور امن و امان کی صورتحال بے قابو ہو چکی ہے،منی پور میں آزادی کی تحریکیوں کے زور پکڑتے ہی قابض بھارت نے نہتے عوام پر اپنی سفاکیت عیاں کر دی، مودی کی ہٹ دھرمی اور بےجا طاقت کے استعمال نے منی پور میں جاری بحران کو مزید پیچیدہ بنا دیا ہے۔
بھارتی ریاست منی پور بےرحم بی جے پی سرکار کی سفاکیت کی نذر، متعدد مکانات آگ کی لپیٹ میں
پچھلی پوسٹ
وفاقی کابینہ نے ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے،ہر دوا کو ڈیجیٹل طریقے سے ٹریک اور ویریفائی کیا جا سکے گا،وفاقی وزیرِ صحت
اگلی پوسٹبرطانوی حکام نے فلسطینیوں کے حقوق کی حمایت کرنے والے2امریکی دانشوروں کو اپنے ہاں آنے سے روک دیا، آکسفورڈ یونیورسٹی یونین ڈیبیٹنگ سوسائٹی کا اظہار تشویش
