وزیراعظم کا دورہ چین دونوں ممالک کی دوستی اور معاشی استحکام کیلئے اہم سنگِ میل ہے، جمال شاہ کاکڑ

کوئٹہ۔(نمائندہ خصوصی):پاکستان مسلم لیگ (ن)بلوچستان کے جنرل سیکرٹری و رکن قومی اسمبلی جمال شاہ کاکڑ نے وزیراعظم پاکستان کے حالیہ دورہ چین کو دونوں ممالک کے درمیان تاریخی دوستی، اقتصادی تعاون اور علاقائی ترقی کے فروغ کیلئے انتہائی اہم قرار دیتے ہوئے کہاہے کہ وزیراعظم کے دورہ چین سے دوطرفہ تجارتی روابط مزید مستحکم ہوں گے جبکہ سرمایہ کاری، توانائی، انفراسٹرکچر، زراعت اور ٹیکنالوجی کے شعبوں میں نئے مواقع پیدا ہوں گے،چین نے ہمیشہ مشکل وقت میں پاکستان کا ساتھ دیا ہے اور دونوں ممالک کی اسٹریٹجک شراکت داری خطے میں امن، استحکام اور ترقی کیلئے اہم کردار ادا کررہی ہے۔ان خیالات کااظہار انہوں نے اے پی پی سے بات چیت کرتے ہوئے کیا۔جمال شاہ کاکڑ نے کہا کہ پاکستان اور چین کے تعلقات وقت کی ہر آزمائش پر پورا اترے ہیں اور دونوں ممالک کی دوستی باہمی اعتماد، احترام اور مشترکہ ترقی پر مبنی ہے۔ انہوں نے کہا کہ وزیراعظم کے دورہ چین سے دوطرفہ تجارتی روابط مزید مستحکم ہوں گے جبکہ سرمایہ کاری، توانائی، انفراسٹرکچر، زراعت اور ٹیکنالوجی کے شعبوں میں نئے مواقع پیدا ہوں گے۔انہوں نے کہا کہ موجودہ معاشی چیلنجز کے تناظر میں چین کے ساتھ اقتصادی تعاون پاکستان کی معیشت کیلئے نہایت اہمیت رکھتا ہے۔ پاک چین اقتصادی راہداری (سی پیک)کے منصوبے نہ صرف پاکستان کی معاشی ترقی میں کلیدی کردار ادا کر رہے ہیں بلکہ بلوچستان سمیت پسماندہ علاقوں میں روزگار، مواصلات اور صنعتی ترقی کے نئے دروازے بھی کھول رہے ہیں۔ جمال شاہ کاکڑ نے کہا کہ وزیراعظم کے دورے کے دوران مختلف تجارتی و اقتصادی معاہدوں اور مفاہمتی یادداشتوں سے دونوں ممالک کے درمیان کاروباری سرگرمیوں کو فروغ ملے گا، برآمدات میں اضافہ ہوگا اور سرمایہ کاروں کے اعتماد میں بہتری آئے گی۔ انہوں نے کہا کہ چین نے ہمیشہ مشکل وقت میں پاکستان کا ساتھ دیا ہے اور دونوں ممالک کی اسٹریٹجک شراکت داری خطے میں امن، استحکام اور ترقی کیلئے اہم کردار ادا کررہی ہے۔انہوں نے مزید کہا کہ حکومت معاشی استحکام، بیرونی سرمایہ کاری کے فروغ اور عوامی فلاح کے منصوبوں پر خصوصی توجہ دے رہی ہے اور چین کے ساتھ مضبوط تعلقات پاکستان کی اقتصادی بحالی میں معاون ثابت ہوں گے۔