محترمہ فرح عظیم شاہ نے کوئٹہ میں ہونے والے دہشت گرد حملے کی شدید اور سخت ترین الفاظ میں مذمت

کوئٹہ ( نمائندہ خصوصی)رکن صوبائی اسمبلی بلوچستان محترمہ فرح عظیم شاہ نے کوئٹہ میں ہونے والے دہشت گرد حملے کی شدید اور سخت ترین الفاظ میں مذمت کرتے ہوئے کہا:”دہشت گردی انسانیت کی دشمن ہے، اور جو عناصر معصوم جانوں کو نشانہ بناتے ہیں وہ نہ صرف قوم بلکہ انسانیت کے بھی دشمن ہیں۔ ایسے بزدلانہ حملے ہمارے حوصلوں کو کمزور نہیں کر سکتے۔ ہم ان دہشت گردوں کے مذموم عزائم کی سخت ترین الفاظ میں مذمت کرتے ہیں اور واضح کرتے ہیں کہ خوف پھیلانے والے کبھی کامیاب نہیں ہوں گے۔یہ جذبہ، یہ زندگی، یہ ہمت، یہ طاقت — یہی پاکستان کی پہچان اور یہی ہماری شان ہے۔ دشمن یہ سمجھتا ہے کہ خون بہا کر قوموں کے ارادے توڑے جا سکتے ہیں، مگر وہ شاید اس دھرتی کے بہادروں کو نہیں جانتا۔ یہ وہ سرزمین ہے جہاں ماؤں نے بہادر بیٹے جنم دیے ہیں، جہاں قربانیوں کی داستانیں لکھی گئی ہیں، اور جہاں وطن سے محبت صرف الفاظ نہیں بلکہ دلوں کی دھڑکن ہے۔ہمیں جتنا گرانے کی کوشش کی جائے گی، ہم اتنی ہی مضبوطی، اتحاد اور عزم کے ساتھ دوبارہ کھڑے ہوں گے۔ آج آپ سب نے یہاں آ کر دشمن کے منہ پر ایک بار پھر یہ ثابت کر دیا کہ پاکستانی قوم خوف سے نہیں، حوصلے سے جیتی ہے۔