اسلام آباد:نائب وزیر اعظم و وزیر خارجہ سینیٹر محمد اسحاق ڈار نے کینیڈا کی وزیر خارجہ انیتا آنند سے ٹیلی فونک گفتگو کی ہے۔دونوں رہنمائوں نے خطے کی تازہ ترین صورتحال اور امن و استحکام کے فروغ کے لیے جاری کوششوں پر 
تبادلہ خیال کیا۔پیر کو دفتر خارجہ سے جاری بیان کے مطابق نائب وزیراعظم و وزیر خارجہ نے مکالمے اور سفارتکاری کے لیے پاکستان کے مسلسل عزم کا اعادہ کیا۔دونوں رہنمائوں نے دوطرفہ تعلقات کا بھی جائزہ لیاجن میں تجارت، زراعت اور دیگر شعبوں میں تعاون شامل ہے۔ گفتگو میں پاکستان-کینیڈا تعلقات کو مزید مضبوط بنانے کے لیے اعلیٰ سطحی تبادلوں کی اہمیت پر بھی زور دیا گیا۔
اسحاق ڈار کی کینیڈین وزیر خارجہ ٹیلی فونک گفتگو، مکالمے اور سفارتکاری کیلئے پاکستان کے مسلسل عزم کا اعادہ
