سردار ایاز صادق کی سابق گورنر سندھ کامران ٹیسوری کی رہائش گاہ آمد، والدہ کے انتقال پر گہرے دکھ اور افسوس کا اظہار

اسلام آباد۔( نمائندہ خصوصی):سپیکرقومی اسمبلی سردار ایاز صادق سابق گورنر سندھ کامران ٹیسوری کی رہائش گاہ پر گئے اور ان کی والدہ کے انتقال پر گہرے دکھ اور افسوس کا اظہار کیا۔اتوار کوقومی اسمبلی سیکرٹریٹ سے جاری بیان کے مطابق سردار ایاز صادق نے کامران ٹیسوری سے دلی تعزیت اور ہمدردی کا اظہار کرتے ہوئے کہا کہ والدین کا کھو جانا ایک بہت بڑا سانحہ ہے اور اس کا کوئی نعم البدل نہیں۔انہوں نےکہا کہ مشکل کی اس گھڑی میں وہ کامران ٹیسوری اور ان کے اہل خانہ کے غم میں برابر کے شریک ہیں۔انہوں نے مرحومہ کے ایصال ثواب کے لیے فاتحہ خوانی کی اور ان کے درجات کی بلندی کے لیے دعا کی۔ انہوں نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے۔انہوں نے مزید دعا کی کہ اللہ تعالیٰ کامران ٹیسوری اور ان کے اہل خانہ کو یہ ناقابل تلافی نقصان صبر و استقامت کے ساتھ برداشت کرنے کا حوصلہ، طاقت اور ہمت عطا فرمائے۔