لاہور ( نمائندہ خصوصی) وزیراعلیٰ پنجاب مریم نواز شریف سے چین کے معروف کاروباری ادارے کنلون گروپ اور سندر گرین گروپ کے وفد نے ملاقات کی۔سندرگرین گروپ اور کنلون گروپ کے اشتراک سے لاہور میں سولر پینل مینوفیکچرنگ شروع کرنے پر اتفاق کیاگیا۔کنلون گروپ سے 50 ہزار طلبہ کوچین میں ایڈوانس ووکیشنل اینڈ انڈسٹریل ٹریننگ کرانے پر اتفاق ہوا۔لاہور میں 
باہمی اشتراک کار سے ہزار ایکڑ پر انڈسٹریل اسٹیٹ پراجیکٹ کی اصولی منظوری دی گئی۔پنجاب میں کوئلہ سے پیٹروکیمیکل مصنوعات حاصل کرنے کی ٹیکنالوجی منتقل کرنے کا جائزہ لیاگیا۔وزیراعلیٰ مریم نواز شریف نے چینی اور مقامی سرمایہ کاروں کو انڈسٹریلائزیشن کے لئے بھرپور معاونت کی یقین دہانی کرائی۔بریفنگ میں بتایاگیا کہ نئے پراجیکٹ سے پنجاب میں 18ہزار روزگارکے مواقع پیدا ہوسکتے ہیں۔ وزیراعلیٰ مریم نوازشریف نے کہا کہ انڈسٹریلائزیشن کے فروغ کے لئے”سٹارٹ ٹو ڈے“ پالیسی پر عمل پیرا ہیں۔ حکومت کو بزنس نہیں بلکہ بزنس مین کو سپورٹ کرنا چاہیے۔ 2 سال میں اصلاحات لانے پر توجہ دی،اب پنجاب
سرمایہ کاری کے لئے موزوں ترین صوبہ ہے۔ پاکستان سولر کی بہت بڑی مارکیٹ ہے، انرجی بحران کی وجہ سے سولر منتقلی کا رجحان بڑھ رہا ہے۔ انہوں نے کہاکہ چین اور پاکستان دوستی کے اٹوٹ رشتے میں بندھے ہیں۔چین پسندیدہ ملک ہے، پہلا سرکاری دورہ بھی چین کا ہی کیا۔ چین کے معروف ادارے انر منگولیا کول مائن کے سی ای او وانگ جین ہنان شنگ،انویسٹمنٹ کمپنی کے سی ای او ژاؤ گانگ بوبھی وفد میں شامل تھے۔ سندر گرین گروپ کے چیئرمین محمد عابد، سی ای او عظیم افتخار، ڈائریکٹر رانا فیصل حیات،اوسس کے سی ای او دانش احمدملاقات میں موجود تھے۔
وزیراعلیٰ پنجاب مریم نواز شریف سے چین کے معروف کاروباری ادارے کنلون گروپ اور سندر گرین گروپ کے وفد کی ملاقات
سندرگرین گروپ اور کنلون گروپ کے اشتراک سے لاہور میں سولر پینل مینوفیکچرنگ شروع کرنے پر اتفاق کنلون گروپ سے 50 ہزار طلبہ کوچین میں ایڈوانس ووکیشنل اینڈ انڈسٹریل ٹریننگ کرانے پر اتفاق لاہور میں باہمی اشتراک کار سے ہزار ایکڑ پر انڈسٹریل اسٹیٹ پراجیکٹ کی اصولی منظوری،پنجاب میں کوئلہ سے پیٹروکیمیکل مصنوعات حاصل کرنے کی ٹیکنالوجی منتقل کرنے کا جائزہ انڈسٹریلائزیشن کے فروغ کیلئے”سٹارٹ ٹو ڈے“ پالیسی پر عمل پیرا ہیں،حکومت کو بزنس نہیں بلکہ بزنس مین کو سپورٹ کرنا چاہیے 2 سال میں اصلاحات لانے پر توجہ دی،اب پنجاب سرمایہ کاری کیلئے موزوں ترین صوبہ ہے،پاکستان سولر کی بہت بڑی مارکیٹ ہے، انرجی بحران کی وجہ سے سولر منتقلی کا رجحان بڑھ رہا ہے چین اور پاکستان دوستی کے اٹوٹ رشتے میں بندھے ہیں،چین پسندیدہ ملک ہے، پہلا سرکاری دورہ بھی چین کا ہی کیا: مریم نواز شریف
پچھلی پوسٹ
نوجوانوں کو زیادہ سے زیادہ مواقع فراہم کرنے کے لیے حکومت کے اقدامات کسی بھی طرح متاثر نہیں ہوں گے ، وزیر اعظم شہباز شریف کی چیئرمین پرائم منسٹر یوتھ پروگرام سے ملاقات میں گفتگو
اگلی پوسٹناکام افغان طالبان رجیم خطے کےلئے خطر ہ،منشیات اور پراکسی دہشت گرد نیٹ ورکس اس کی معیشت کا سہارا ہیں،رپورٹ
