وزیراعلیٰ مریم نوازشریف کا ویژنری اقدام، صحتمند پنجاب کی جانب ایک اور اہم قدم۔: اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کا چیف منسٹر کارڈیک سرجری پروگرام شروع

لاہور ( نمائندہ خصوصی) وزیراعلیٰ پنجاب مریم نوازشریف کے ویژن کے تحت صحتمند پنجاب کی جانب ایک اور اہم اقدام ہے-وزیراعلیٰ مریم نواز شریف کی ہدایت پر سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ نے چیف منسٹر کارڈیک سرجری پروگرام شروع کردیا ہے- وزیراعلیٰ مریم نوازشریف کی منظوری کے بعد چیف منسٹرز کارڈیک سرجری پروگرام کا باقاعدہ آغاز کردیا گیاہے-چیف منسٹر کارڈیک سرجری پروگرام کے تحت منتخب سرکاری و نجی ہسپتالوں میں علاج کی مفت فراہمی شروع ہوگئی ہے-پنجاب کے 9سرکاری جبکہ 15نجی کارڈیک اداروں سے چیف منسٹر کارڈیک سرجری پروگرام شروع ہوگیاہے-چیف منسٹر کارڈیک سرجری پروگرام پنجاب کے مستقل رہائشی ہردل کے مریض کے لئے ہے-چیف منسٹر کارڈیک سرجری پروگرام کے تحت پی آئی سی میں پہلے مریض کی کامیاب اوپن ہارٹ سرجری مکمل کر لی گئی ہے-چیف منسٹرز کارڈیک سرجری پروگرام کے تحت امراض قلب کے لئے سالانہ 3 ارب روپے سے زائد کی رقم مختص کردی گئی ہے- وزیراعلیٰ مریم نواز شریف نے اوپن ہارٹ سرجری کی طویل ویٹنگ لسٹیں 6 ماہ میں ختم کرنے کا ہدف مقرر کر دیاہے-چیف منسٹر کارڈیک سرجری پروگرام کی مزید معلومات کیلئے09009 -0800ہیلپ لائن قائم کر دی گئی ہے-امراض قلب کے مریض پیر تا ہفتہ صبح 8سے رات 11بجے تک فون نمبر042-99066000 پر رابطہ کر سکتے ہیں -سپیشلائزڈ ہیلتھ کیئراینڈ میڈیکل ایجوکیشن ڈیپارٹمنٹ کے واٹس ایپ نمبر6756390 – 0333 پر رہنمائی حاصل کی جا سکتی ہے-وزیراعلی مریم نوازشریف نے کہاکہ ہارٹ کے ہزاروں مریضوں کو جدیدسہولیات فراہم کرنے کے لئے کوشاں ہیں۔چیف منسٹرز کارڈیک سرجری پروگرام دل کے امراض میں مبتلا مریضوں کو مفت اور بروقت علاج فراہم کرنے میں مدد دے گا۔