لیڈی ولنگٹن ہسپتال ویڈیو کیس، ایم ایس اور ہیڈ آف ڈیپارٹمنٹ معطل،وویمن میڈیکل آفیسر اور 5 پی جی آرز، 2نرسز اور ایک کارکن بھی معطل

لاہور( نمائندہ خصوصی) لیڈی ولنگٹن ہسپتال ویڈیو کیس میں ایم ایس اور ہیڈ آف ڈیپارٹمنٹ کوبھی معطل کردیاگیاہے-وویمن میڈیکل آفیسر اور 5 پی جی آرزکو معطل کرکے ہیڈ کوارٹر رپورٹ کرنے کی ہدایت کی ہے جبکہ 2نرسز اور ایک کارکن کوبھی معطل کردیاگیاہے-سیکرٹری سپیشلائزڈ ہیلتھ کیئراینڈ میڈیکل ایجوکیشن نے ایم ایس ڈاکٹر فرح انعام کو معطل کر کے ڈیپارٹمنٹ رپورٹ کرنے کی ہدایت کر دی ہے- محکمہ صحت کی طرف سے ہیڈ آف ڈیپارٹمنٹ ڈاکٹر عظمی کو بھی سپیشلائزڈ ہیلتھ کیئر اینڈ میڈ یکل ایجوکیشن رپورٹ کرنے کی ہدایت کی ہے- وویمن میڈیکل آفیسراقراحفیظ کو بھی ہیلتھ اینڈ پاپولیشن ڈیپارٹمنٹ رپورٹ کرنے کا حکم دے دیا گیا-چارج نرس اقرازاہد،فوزیہ رشید اور سٹاف حسیب الرؤف کوبھی معطل کرکے محکمہ میں رپورٹ کرنے کی ہدایت کی ہے-لیڈی ولنگٹن ہسپتال میں دوران آپریشن مبینہ طورپرمریضوں کی ویڈیو بنا کر شیئر کی گئی تھی- سی ایم کمپلینٹ سیل کے ایکشن لینے پر گزشتہ روز بھی 4لیڈی ڈاکٹروں کو معطل کیاگیا تھا-صوبائی وزیر صحت خواجہ سلمان رفیق نے کہا کہ ہسپتالوں میں ایس او پیز کی خلاف ورزی کو کسی صورت برداشت نہیں کریں گے، لیڈی ولنگڈن ہسپتال میں غفلت سامنے آنے پر فوری طور پر ذمہ داران کے خلاف ایکشن لیا گیا، سیکرٹری صحت پنجاب عظمت محمود نے کہا کہ اس طرح کے مبینہ اقدامات طبی اخلاقیات کی خلاف ورزی، مریض کے وقار کی توہین اور پیشہ ورانہ مہارت کی خلاف ورزی کی نمائندگی کرتے ہیں، جو کہ حکومتی قواعد اور ہسپتال کے ایس او پیز (SOPs) کے تحت سختی سے ممنوع ہیں،