وزیراعلیٰ مریم نوازشریف پی ایس ایل کے افتتاحی میچ میں کرکٹرز کا حوصلہ بڑھانے قذافی اسٹیڈیم پہنچ گئیں،

لاہور ( نمائندہ خصوصی) وزیراعلیٰ پنجاب مریم نوازشریف پی ایس ایل کے افتتاحی میچ میں کرکٹرز کا حوصلہ بڑھانے قذافی اسٹیڈیم پہنچ گئیں۔قذافی اسٹیڈیم پہنچنے پر چیئرمین پی سی بی محسن نقوی اور دیگر حکام نے وزیراعلیٰ مریم نواز شریف کا خیر مقدم کیا۔وزیراعلی مریم نواز شریف نے آٹھ ٹیموں کے مالکان سے بھی ملاقات کی اور نیک خواہشات کا اظہار کیا۔وزیراعلیٰ مریم نواز شریف نے پی ایس ایل میں حصے لینے والے کھلاڑیوں اور آفیشلز سے ملاقات کی۔وزیراعلیٰ مریم نواز شریف نے کھلاڑیوں کی حوصلہ افزائی کی اور کرکٹ سے کمٹمنٹ کو سراہا۔وزیراعلیٰ مریم نواز شریف نے پی ایس ایل میں شرکت کے لئے آنے والے غیرملکی کھلاڑیوں کو خراج تحسین پیش کیا۔وزیراعلی مریم نواز شریف نے حیدرآباد کنگز اور لاہور قلندر کے کھلاڑیوں سے تعارف کرایا گیا۔وزیراعلی مریم نواز شریف کے ساتھ کھلاڑیوں اور آفیشلز نے گروپ فوٹو بنوایا۔وزیراعلی مریم نواز شریف نے وسیم اکرم کو دیکھ کر اظہار مسرت کیا۔وسیم اکرم پی ایس ایل 11 کی ٹرافی لے کر گراؤنڈ میں آئے۔وزیراعلیٰ مریم نوازشریف نے کہاکہ مشکل ترین حالات کے باوجود پی ایس ایل کا میلہ سجانے والے قابل تحسین ہیں۔ شائقین اسٹیڈیم سے دور ہیں مگر کرکٹ کے قریب تر ہیں۔پاکستان کو کرکٹ کی سپر پاور دیکھنا چاہتے ہیں۔انہوں نے کہا کہ کرکٹ کی طاقت سے بدامنی کو شکست دیکر خوشیاں واپس لائیں گے۔جنگ کی بجائے کھیل کے میدانوں کو آباد کرنا چاہتے ہیں۔انہوں نے کہا کہ چاہتے ہیں نوجوانوں کے ہاتھ میں بیٹ اور بال ہو، ہتھیار نہیں۔