یوم پاکستان، رومانیہ کے سفارتخانہ کی جانب سے پاکستان کا قومی ترانہ پیش کیا گیا

اسلام آباد( نمائندہ خصوصی):اسلام آباد میں رومانیہ کے سفارتخانہ نے یوم پاکستان کے موقع پر پہلی مرتبہ پاکستان کے قومی ترانہ کی دھن پیش کی ہے۔ پاکستان اور اس کے عوام کو خراج تحسین پیش کرنے کا یہ منصوبہ رومانیہ کے نیشنل چیمبر کوئر ،میڈریگال ، مارین کانسٹینٹن نے سفارت خانہ کے تعاون سے مکمل کیا گیا ہے۔ واضح رہے کہ 1949 میں احمد غلام علی چھاگلا نے حفیظ جالندھری کے تحریر کردہ قومی ترانہ کی دگنیں ترتیب دی تھیں اور قومی ترانہ پہلی بار 1954 میں ریڈیو پاکستان پر نشر کیا گیا اور اس کے فوراً بعد باقاعدہ طور پر اس کو اپنایا گیا۔ 11 پاکستانی گلوکاروں کے ذریعہ 1955 میں قومی ترانے کی ریکارڈنگ نے ابتدائی ملٹی وائس ورژن پیش کیا گیا ۔ میڈریگال کوئر کی پولی فونک تشریح سوپرانو، آلٹو، ٹینر اور باس میں راگ کو تقسیم کرتی ہے، قومی ترانہ کی شاعری کو محفوظ رکھتے ہوئے آرکیسٹرل کی اصل 38 ٹونز، 21 آلات کو آواز میں تبدیل کرتی ہے۔ کوئر نے فقروں، وسیع ٹون رینج اور فارسی اردو تلفظ کے چیلنجز کو نیویگیٹ کیا ہے ۔پاکستان میں رومانیہ کے سفیر ڈاکٹر ڈین سٹوینسکو نے اس منصوبے کو “حقیقت میں تاریخی” قرار دیتے ہوئے کہا کہ یہ کاوش دونوں ممالک کو ہمیشہ کے لیے جوڑ دے گی۔ واضح رہے کہ قومی ترانی کی البم اور صدر مملکت آصف علی زرداری، وزیراعظم محمد شہباز شریف، سپیکر قومی اسمبلی سردار ایاز صادق، چیئرمین سینیٹ سید یوسف رضا گیلانی اور چیف آف آرمی سٹاف فیلڈ مارشل ع سید عاصم منیر کو پیش کی جا ئے گی۔