اسلام آباد۔( نمائندہ خصوصی):صدرِ مملکت آصف علی زرداری نے وزیرِ اعظم کی سفارش پر، آئینِ اسلامی جمہوریہ پاکستان 1973 کے آرٹیکل 259(2) کے تحت، یومِ پاکستان کے موقع پر پاکستان کی مسلح افواج اور سول آرمڈ فورسز کے 1,989 اہلکاروں کے 
لیے عسکری اعزازات کی منظوری دے دی ہے۔پیر کو ایوان صدر کے پریس ونگ سے جاری بیان کے مطابق منظور شدہ اعزازات میں 23 ہلالِ امتیاز (ملٹری)، 100 ستارۂ امتیاز (ملٹری)، 136 تمغۂ امتیاز (ملٹری)، 11 ستارۂ بسالت، 475 تمغۂ بسالت اور 130 امتیازی سند شامل ہیں۔ مزید برآں، 175 تمغۂ خدمت (ملٹری) درجہ اول، 319 تمغہ خدمت (ملٹری) درجہ دوم اور 620 تمغۂ خدمت (ملٹری) درجہ سوم کی بھی منظوری دی گئی ہے۔
یومِ پاکستان کے موقع پر پاکستان کی مسلح افواج اور سول آرمڈ فورسز کے 1,989 اہلکاروں کے لیے عسکری اعزازات کی منظوری
