اسلام آباد( نمائندہ خصوصی):پاکستان سمیت دنیا بھر میں اقوام متحدہ کے زیر اہتمام کٹھ پتلیوں کا عالمی دن ہفتہ 21 مارچ کو منایا گیا۔ اقوام متحدہ کے ذیلی اداری یونیسکو نے 21 مارچ 2007 کو کٹھ پتلی کو ثقافت کا زندہ ورثہ قرار دیتے ہوئے اس دن کو 
منانے کا فیصلہ کیا تھا ، جس کے بعد ہر سال یہ دن منایا جا رہا ہے۔اس دن کے منانے کا بنیادی مقصد پتلی تماشے کے قدیم اور روایتی فن کا فروغ ، اس کی ثقافتی اہمیت کو اجاگر کرنے اور فنکاروں کی حوصلہ افزائی ہے۔ کٹھ پتلیوں کے عالمی دن کی مناسبت سے ملک بھر مختلف ورکشاپس اور نمائشیں منعقد کی گئیں۔
