لاہور ایئرپورٹ پراے این ایف کی کارروائی،منشیات اسمگلنگ کی کوشش ناکام بنا دی

لاہور۔( نمائندہ خصوصی):لاہور ایئرپورٹ پراے این ایف نے کارروائی کرتے ہوئے منشیات اسمگلنگ کی کوشش ناکام بنا دی۔حکام کے مطابق میاں بیوی مسافر، جن کی شناخت مشتاق اور نورین کے نام سے ہوئی ہے،نجی ایئرلائن کی پرواز کے ذریعے جدہ روانہ ہو رہے تھے۔دورانِ تلاشی ان کے سامان اور جوتوں سے مجموعی طور پر5 کلو گرام آئس (کرسٹل میتھ) برآمد ہوئی۔ترجمان کے مطابق برآمد ہونے والی منشیات کی مالیت ایک کروڑ روپے سے زائد بتائی جا رہی ہے۔منشیات انتہائی مہارت سے جوتوں اور بیگ میں چھپائی گئی تھی۔کارروائی کے بعد دونوں ملزمان کو حراست میں لے کر مزید تحقیقات کا آغاز کر دیا گیا ہے۔