کراچی ٹگ آف وار ایسوسی ایشن کے زیر اہتمام انٹر ڈسٹرکٹ بوائز اینڈ گرلز چیمپین شپ کا انعقاد

 کراچی(اسٹاف رپورٹر)کراچی ٹگ آف وار ایسوسی ایشن کے زیر اہتمام انٹر ڈسٹرکٹ بوائز اینڈ گرلز چیمپین شپ کا انعقاد ٹگ آف وار ایرینا کراچی ہاکی ایسوسی ایشن گراؤنڈ پر کیا گیا۔جس میں تمام ڈسٹرکٹ کی ٹیموں نے حصہ لیا ۔گرلز کے مقابلے سنگل لیک کی بنیاد پر جبکہ بوائز کے دو پول بنا کر مقابلے کرائے گئے ۔ٹورنامنٹ کا افتتاح سمیر خان (دامن اسٹیٹ اینڈ بلڈرز) نے کیا۔ ان کا تمام ٹیموں سے تعارف کرایا گیا انہوں نے انتظامیہ کو شاندار انعقاد پر مبارکباد دی اور اپنے ہر ممکن تعاون کا یقین دلایا۔ گرلز میں تمام لیک میچوں کے بعد ایسٹ نے پہلی پوزیشن، سینٹرل نے دوسری جبکہ کیماڑی نے تیسری پوزیشن حاصل کی۔ بوائز میں پول اے سے ایسٹ اور ملیر نے جب کہ پول بی سے سینٹرل اور کیماڑی نے سیمی فائنل کے لیے کوالیفائی کیا۔کل بروز اتوار 11 بجے پہلاسیمی فائنل سینٹرل اور ملیر جبکہ ایسٹ اور کیماڑی کے درمیان دوسرا سیمی فائنل کھیلا جائے گا۔اس کے بعد (3rd) تھرڈ اور فائنل کھیلا جائے گا۔آخر میں ڈسٹرکٹ اسپورٹس آفیسر اسماعیل شاہ نے ہارنے والی ٹیموں میں سرٹیفیکیٹ تقسیم کئے۔لڑکیوں کے مقابلے میں حمیرہ صدیقی ، خالدہ ناز ، مشیدہ ، فرح دیبا نے جبکہ بوائز کے مقابلے میں نصرت حسین ، محمد اصغر ، راجہ انور کمال نے ٹیکنیکل کے فرائض انجام دیئے۔اس موقع پر محمد ندیم ، افضال ، شاہد ، فہمیدہ ضمیر ، امبر نذیر ، محمد زمان ، شہباز ، امتیاز الحسن جواد ، شاکر مبارک ، نعیم ، صنوبر کاظمی اور فرح(ساؤتھ )بھی موجود تھے فائنل کے مہمان خصوصی سید ریحان احمد اسٹیٹ بلڈرز اینڈ ڈیویلپر)ہوں گے۔