ریاض:، سعودی عرب میں منعقدہ ورلڈ ڈیفنس شو 2026 میں پاکستان نےاپنا جدید ہائپرسونک بیلسٹک میزائل “شمس” متعارف کرا دیا

ریاض ( نمائندہ خصوصی) پاکستان نے ریاض، سعودی عرب میں منعقدہ ورلڈ ڈیفنس شو 2026 میں اپنا جدید ہائپرسونک بیلسٹک میزائل SMASH (Supersonic Missile Anti-SHip) متعارف کروایا ہے، جسے پاکستان کی دفاعی صنعت، خاص طور پر Global Industrial & Defence Solutions (GIDS) نے تیار کیا ہے۔ یہ میزائل ایک اینٹی شپ بیلسٹک سسٹم ہے جو سمندر میں موجود اور زمینی اہداف کو دو مختلف رولز میں نشانہ بنانے کی صلاحیت رکھتا ہے اور تقریباً 350 کلومیٹر کی رینج تک موثر مار کرنے کے قابل بتایا جاتا ہے۔ SMASH میزائل جدید رہنمائی نظام، اعلیٰ درستگی اور اپنے ہدف تک پہنچتے ہوئے تیز رفتار حملے کی صلاحیت رکھتا ہے، جس سے جدید ائیر اور میزائل دفاعی نظاموں کے لیے اسے روکنا مشکل ہو جاتا ہے۔ اس میں ہدف کے قریب پہنچنے پر تیز رفتار اور قریب سے عمودی زاویے سے حملہ کرنے کی تکنیک شامل ہے، جو اس کی کامیابی میں اضافہ کرتی ہے۔ پاکستان نیوی نے بھی اس سسٹم کے متعدد تجربات کیے ہیں، جس میں اسے جنگی جہاز سے داغ کر مختلف اہداف پر نشانہ لگانے کی صلاحیت کامیابی سے دکھائی گئی ہے