پنجاب عالمی منڈی میں آلو ایکسپورٹ کرنے والا صوبہ بننے کے قریب زرعی اصلاحات رنگ لے آئیں،آلو کی بمپر کراپ، آلو کے کاشتکار کے لیے وزیر اعلیٰ مریم نواز شریف مسیحا بن گئیں

لاہور( نمائندہ خصوصی)پنجاب عالمی منڈی میں آلو ایکسپورٹ کرنے والا صوبہ بننے کے قریب ہے-آلو کی بمپر کراپ آنے سے آلو کے کاشتکار کے لیے وزیر اعلیٰ مریم نواز شریف مسیحا بن گئیں -وزیر اعلی مریم نواز شریف کی زرعی اصلاحات رنگ لے آئیں -گزشتہ سال کے مقابلے آلو کی پیداوار میں 25 فیصد کا بڑا اضافہ ہواہے- 12 ملین میٹرک ٹن کی تاریخی پیداوارسے پنجاب میں آلو کی پیداوار کے تمام ریکارڈ ٹوٹ گئے-پنجاب حکومت اور قازقستان کے درمیان زرعی اشتراک کی عملی کاوشیں جاری ہیں -وزیر اعلی مریم نواز شریف نے آلو کی ریکارڈ پیداوارکو ضائع ہونے سے بچانے کے لیے وزیراعظم پاکستان سے ایکسپورٹ کی اجازت طلب کرلی ہے-پاکستان میں موجود قازقستان کے اعلی سطح کے وفد اور پنجاب حکومت کے مابین آلو کی برآمد کے لئے آج اہم پیش رفت متوقع ہے- پنجاب حکومت کے آلو ایکسپورٹ کے لئے موثر اقدامات یقینی بنانے کے وفاقی حکومت سے مسلسل رابطے جاری ہیں -آلو کے نرخ میں استحکام اور کاشتکاروں کو مناسب معاوضہ کی ادائیگی یقینی بنانے کیلئے نئی ایکسپورٹ مارکیٹ تک رسائی کے لئے اقدامات کئے جا رہے ہیں -وزیراعلی مریم نوازشریف نے کہاکہ آلو کی برآمدات کیلئے نئی عالمی منڈیوں تک رسائی حاصل کی جارہی ہے-قازقستان پہلا قدم ہے جلد مزید بین الاقوامی زرعی منڈیوں تک رسائی حاصل کریں گے-وزیراعلی مریم نوازشریف نے کہا کہ پنجاب میں آلو کی ریکارڈ پیداوار کو کوڑیوں کے بھاؤ نہیں بکنے دیا جائے گا-وزیراعلی مریم نوازشریف نے کہاکہ اپنے کسان کو مڈل مین یا مارکیٹ کے رحم و کرم پر نہیں چھوڑوں گی۔کسانوں کو بہتر معاوضہ دلانے کے لیے پنجاب حکومت وفاق کے ساتھ مل کر نئی برآمدی منڈیوں کے حصول پر عملی اقدامات کر رہی ہے-آلو کی بمپر کراپ کسان کے لیے پریشانی نہیں بلکہ خوشحالی کا پیغام لائے گی-