کسی بھی دہشتگرد یا اس کے سہولت کار کو نہیں بخشا جائے گا۔فیلڈ مارشل سید عاصم منیر

کویٹہ( نمائندہ خصوصی)فیلڈ مارشل سید عاصم منیر نے کوئٹہ کا دورہ کیا ہے جس کے دوران انہیں سیکیورٹی صورتحال پر بریفنگ دی گئی۔پاک فوج کے شعبہ تعلقات عامہ ( آئی ایس پی آر ) کے مطابق فیلڈ مارشل نے اسپتال میں زخمیوں کی عیادت کی جبکہ زخمی فوجی ، ایف سی اور پولیس اہلکاروں سے بھی ملاقاتیں کیں۔آئی ایس پی آر کے مطابق فیلڈ مارشل کا کہنا تھا کہ کسی بھی بہانے سے تشدد یا دہشتگردی کو جائز قرار نہیں دیا جا سکتا، سیکیورٹی جوانوں نے ملک دشمن سازشوں کو ناکام بنایا اور امن قائم رکھا۔فیلڈ مارشل کا کہنا تھا کہ کسی بھی دہشتگرد یا اس کے سہولت کار کو نہیں بخشا جائے گا۔ان کا کہنا تھا کہ سب کے ساتھ قانون کے مطابق سختی سے نمٹا جائے گا۔اس موقع پر فیلڈ مارشل نے سیکیورٹی فورسز کے بلند حوصلے کو سراہا۔چیف آف ڈیفنس اسٹاف اور آرمی چیف فیلڈ مارشل سید عاصم منیر نے کہا ہے کہ کوئی دہشتگرد اور سہولت کار نہیں بخشا جائے گا، تشدد اور دہشتگردی کسی جواز کے تحت قبول نہیں۔مسلح افواج کے شعبہ تعلقات عامہ آئی ایس پی آر کے مطابق فیلڈ مارشل سید عاصم منیر نے آج کوئٹہ کا دورہ کیا۔ آئی ایس پی آر کے مطابق اس موقع پر انھوں نے قانون نافذ کرنے والے اداروں کی پیشہ ورانہ مہارت اور قربانیوں کو خراجِ تحسین کیا۔ فیلڈ مارشل سید عاصم منیر اور وزیراعلیٰ بلوچستان نے سی ایم ایچ کوئٹہ کا دورہ کیا اور فوج، ایف سی اور پولیس کے زخمی اہلکاروں سے ملاقات کی۔ اس سے قبل فیلڈ مارشل عاصم منیر کی آمد پر کور کمانڈر کوئٹہ نے ان کا استقبال کیا۔ آئی ایس پی آر کے مطابق فیلڈ مارشل کو موجودہ سیکیورٹی صورتحال اور داخلی سلامتی اور آپریشنز پر بریفنگ دی گئی۔