فیصل آباد: لڑکی کو ہراساں کرنے سے روکنے پر نوجوان پر وحشیانہ تشدد اوباش ملزمان گرفتار نہ ہوئے

فیصل آباد ( رپورٹ میاں عبداللّٰہ جمیل)تھانہ مدینہ ٹاؤن کے علاقے کنال روڈ پر ایک دلخراش واقعہ پیش آیا جہاں ایک نوجوان نے پارلر میں کام کرنے والی لڑکی کو ہراساں ہونے سے روکا جس پر ملزمان نے اسے بدترین تشدد کا نشانہ بنایاذرائع کے مطابق پارلر میں کام کرنے والی لڑکی کو چند اوباش افراد نے ہراساں کیا۔ اسی دوران ساتھ والی دکان پر کام کرنے والے نوجوان محمد اویس نے اس ہراساں کرنے کی کوشش کو روکنے کی کوشش کی جس پر ابتدائی طور پر ملزمان فرار ہو گئے۔ تاہم کچھ دیر بعد وہ مزید ساتھیوں کے ساتھ واپس آئے اور دکان پر دھاوا بولتے ہوئے اویس پر وحشیانہ تشدد کیا ملزمان ابھی تک گرفتار نہیں ہوئے اور مقامی لوگ قانون نافذ کرنے والے اداروں سے فوری کارروائی کا مطالبہ کر رہے ہیں پولیس نے ابتدائی تحقیقات شروع کر دی ہیں اور متاثرہ نوجوان کی شکایت کے مطابق مقدمہ درج کرنے کا عمل جاری ہے