لاہور: نک دا کوکا شالیمار باغ میں گانے پر قوال کے خلاف مقدمہ درج

لاہور ( نمائندہ خصوصی)لاہور کے تھانہ باغبانپورہ میں قوال و گلوکار فراز خان کے خلاف ایک گانے کی پرفارمنس کے بعد مقدمہ درج کر لیا گیا ہے یہ کارروائی شالیمار باغ میں منعقدہ ایک تقریب کے دوران کی گئیپولیس کے مطابق فراز خان نے تقریب میں بغیر اجازت نک دا کوکا گانا گایا جس کے بول میں اڈیالہ جیل کے قیدی نمبر 804 کا ذکر کیا گیا اس گانے سے انتظامیہ کے مطابق عوام میں اشتعال پیدا ہوا جسے فوراً کنٹرول کیا گیاتھانہ انچارج شالیمار باغ کی مدعیت میں درج کی گئی ایف آئی آر میں کہا گیا ہے کہ گانے کی پرفارمنس غیر مجاز تھی اور اس سے تقریب کے انتظامات متاثر ہوئے پولیس نے مقدمہ درج کر کے مزید قانونی کارروائی شروع کر دی ہےفراز خان کا مؤقف ہے کہ انہوں نے یہ گانا شرکا کی فرمائش پر گایا تاہم انتظامیہ نے اسے اشتعال انگیز قرار دیتے ہوئے کارروائی کییہ واقعہ لاہور میں ثقافتی اور سرکاری تقریبات کے دوران پرفارمنس کے معیار اور اجازت کے طریقہ کار پر نئے سوالات اٹھا رہا ہے