ماسکو( نیٹ نیوز)چیک ریپبلک کے شہر اوہرسکے ہرادیستے سے تعلق رکھنے والی نے پاکستان میں اپنی گرفتاری اور قید کے لمحے پر پہلی بار کھل کر گفتگو کی ہے۔ پانچ سال قبل، جنوری 2018 میں، لاہور ایئرپورٹ پر ان کی زندگی یکسر بدل گئی، جب کسٹمز حکام نے انہیں روک کر بتایا کہ ان کے سوٹ کیس سے تقریباً نو کلو گرام ہیروئن برآمد ہوئی ہے۔ اس واقعے کے بعد ٹریزا کو چار سال سے زائد عرصہ پاکستانی جیل میں گزارنا پڑا۔ وہ گزشتہ سال رہائی کے بعد اب پہلی بار اس لمحے کی تفصیلات بیان کر رہی ہیں جب ان کی دنیا بکھر گئی۔ٹریزا کے مطابق“انہوں نے میرے کندھے پر ہاتھ رکھا، میں نے پیچھے مڑ کر دیکھا اور مجھے فوراً احساس ہو گیا کہ کچھ بہت غلط ہونے والا ہے۔”ٹریزا کا کہنا ہے کہ وہ ابتدا میں اپنی کہانی ایک کتاب کی صورت میں بیان کرنا چاہتی تھیں اور اس مقصد کے لیے کئی مصنفین سے رابطے میں بھی رہیں۔ تاہم ایک مصنف نے انہیں مشورہ دیا کہ وہ Herohero نامی سوشل پلیٹ فارم پر اکاؤنٹ بنا کر اپنی کہانی ویڈیوز کے ذریعے سنائیں۔ ٹریزا نے یہ مشورہ مان لیا اور آج ان کے 
پروفائل پر 800 سے زائد سبسکرائبرز موجود ہیں، جو ہر ماہ پانچ یورو ادا کرتے ہیں۔مارچ کے آخر میں ٹریزا نے اپنی ویڈیوز میں ان مشکوک مجسموں کا ذکر کیا جنہیں انہیں فرانس میں ایک نامعلوم شخص کے حوالے کرنے کا کہا گیا تھا۔ ان کے مطابق پاکستان میں ان کے ساتھ رہنے والے ایک شخص نے انہیں پیغام بھیجا کہ رات کے وقت ہوٹل کے قریب پارک جائیں، جہاں ایک گھنگریالے بالوں اور سرخ ٹوپی والا شخص ملے گا، اور اسے سوٹ کیس میں رکھا ہوا کتے کا مجسمہ دے دیں۔ٹریزا کا کہنا ہے کہ اب انہیں شدت سے احساس ہوتا ہے کہ غالباً انہی مجسموں میں منشیات چھپائی گئی تھیں، مگر اس وقت انہیں اس بات کا اندازہ نہ ہو سکا۔ٹریزا کے مطابق جنوری 2018 میں وہ پہلے ہی تین بار پاکستان کا کامیاب سفر کر چکی تھیں اور ماڈلنگ کے کام کے لیے دوبارہ جا رہی تھیں۔ انہیں یقین دلایا گیا تھا کہ ایئرپورٹ پر “ان کے لوگ” موجود ہیں اور انہیں کسی چیز کی فکر نہیں کرنی چاہیے۔ٹریزا بیان کرتی ہیں“مجھے بتایا گیا کہ کاؤنٹر نمبر ایک یا دو پر جانا ہے، مگر وہ بند تھے۔ میں کاؤنٹر تین اور چار پر گئی۔ ایک شخص نے میرا سوٹ کیس اسکینر پر رکھا، ایک چیک ہو گیا اور میں آگے بڑھ گئی۔ پھر ایک بوتھ پر دو پردہ پوش خواتین نے میری تلاشی لی، باتیں کیں اور جانے دیا۔”لیکن اصل موڑ اس کے بعد آیا“میں کھڑی سوچ رہی تھی کہ اب کہاں جانا ہے کہ کسی نے میرے کندھے پر ہاتھ رکھا۔ وہ گہرے نیلے یونیفارم میں تھا، مونچھیں تھیں اور چہرے پر ایک نشان تھا۔ اس نے کہا میرے ساتھ چلو۔ اسی 
لمحے مجھے معلوم ہو گیا کہ سب کچھ خراب ہو چکا ہے۔”ٹریزا آج بھی اس بات پر قائم ہیں کہ انہیں سوٹ کیس میں موجود منشیات کے بارے میں کوئی علم نہیں تھا۔اپنی ایک تازہ ویڈیو میں ٹریزا جذبات پر قابو نہ رکھ سکیں اور رو پڑیں، جب انہوں نے وہ لمحہ یاد کیا جب جیل میں ہونے کے دوران انہیں فون پر معلوم ہوا کہ ان کے انتہائی قریبی دادا انتقال کر گئے ہیں۔ وہ گرفتاری سے صرف دو ہفتے قبل ان سے بات کر چکی تھیں اور پاکستان میں قید ہونے کی وجہ سے ان کے جنازے میں بھی شرکت نہ کر سکیں۔ٹریزا کے مطابق“وہ مجھے جیل بھیجے جانے سے ٹھیک چودہ دن پہلے انتقال کر گئے۔ اگر خدا ہے تو اس نے یہی چاہا ہوگا کہ میرے دادا کو میرے ساتھ ہونے والے اس المیے کا علم نہ ہو۔ وہ بہت حساس تھے، شیہرزادہ کی کہانی سن کر بھی رو پڑتے تھے۔”ٹریزا ہلوشکووا کا یہ کیس نہ صرف پاکستان بلکہ یورپی میڈیا میں بھی طویل عرصے تک زیرِ بحث رہا۔ ان کے تازہ انکشافات نے ایک بار پھر یہ سوالات زندہ کر دیے ہیں کہ بین الاقوامی اسمگلنگ نیٹ ورکس کس طرح نادانستہ مسافروں کو استعمال کرتے ہیں، اور ایک لمحے میں پوری زندگی کیسے بدل سکتی ہے۔
“انہوں نے کندھے پر ہاتھ رکھا اور مجھے فوراً سمجھ آ گئی کہ سب کچھ غلط ہو چکا ہے” چیک ریپبلک کی ماڈل ٹریزا ہلوشکووا
