برطانیہ ، کینیڈا اور آسٹریلیا نے فلسطین کو ریاست تسلیم کرلیا

لندن۔(مانیٹرنگ ڈیسک):برطانیہ ، کینیڈااور آسٹریلیا نے فلسطین کو باضابطہ طور پر ریاست تسلیم کرلیا۔ ذرائع ابلاغ کے مطابق برطانوی وزیراعظم سر کیئر اسٹارمر نے اپنے ویڈیو پیغام میں کہا کہ آج میں واضح طور پر برطانیہ کی طرف سے فلسطین کو ریاست تسلیم کرنے کا اعلان کرتا ہوں ۔کینیڈا نے بھی فلسطین کو بطور ریاست تسلیم کرلیا ہے، کینیڈین وزیراعظم مارک کارنی کا کہنا ہے کہ اسرائیلی حکومت فلسطینی ریاست کےقیام کےامکانات کو روکنےکے لیےمنظم حکمت عملی سے کام کررہی ہے۔آسٹریلوی حکومت نے بھی فلسطین کو بطور ریاست تسلیم کرنے کا اعلان کرتے ہوئے کہا ہے کہ فلسطینی ریاست کو تسلیم کرنا دوریاستی حل کی بین الاقوامی کوششوں کا حصہ ہے