خاتون کو جنات کی جانب سے اغواء کرنے کا مقدمہ۔پولیس افسران نے بازیابی کیلئے سرجوڑ لیے

لاہور( نمائندہ خصوصی۔کرائم رپورٹر) لاہور کے علاقے کاہنہ میں خاتون کو 6 سال قبل جنات کی جانب سے اغواء کیے جانے کے واقعہ پر پولیس افسران نے تلاش کے لیے سرجوڑ لیے ہیں جبکہ لاہور ہائی کورٹ خاتون کی بازیابی کا حکم دے چکی ہےزرائع کے مطابق مغوی خاتون فوزیہ بی بی کو تلاش کرنے کے لیے اعلی سطح کی اسپیشل انوسٹی گیشن ٹیم تشکیل دے دی گئی ہے، جس میں ڈی آئی جی انویسٹی گیشن لاہور سید ذیشان رضا کو ٹیم کا سربراہ مقرر کردیا گیا ہے اور دیگر ارکان میں انویسٹی گیشن گیشن برانچ پنجاب کے ایس ایس پی عاصم کمبوہ ایس پی انویسٹی گیشن ماڈل ٹاؤن لاہور محمد ایاز، ڈی ایس پی اسپیشل برانچ ڈی ایس پی سیف سٹی ڈی ایس پیز سی سی ڈی حسنین حیدر دانش رانجھا ڈی ایس پی انویسٹی گیشن کاہنہ سرکل لاہور عثمان حیدر اور انچارج انویسٹی گیشن انسپکٹر زاہد سلیم شامل ہیںچیف جسٹس لاہور ہائی کورٹ جسٹس عالیہ نیلم نے مذکورہ خاتون کی جلد بازیابی کا حکم دے رکھا ہےدرخواست گزار نے مؤقف اپنایا ہے کہ خاتون فوزیہ بی بی دو بچوں کی ماں تھی اور انہیں 6 سال قبل جن اغوا ءکرکے لے گئے ہیںکاہنہ پولیس نے خاتون کے اغوا ءکا مقدمہ نمبر 1572/2019 بجرم 365 درج کر رکھا ہے اور ایس آئی ٹی نے خاتون کی تلاش کے لیے مختلف پہلوؤں پر تحقیقات شروع کر دی ہے