انڈس موٹر کمپنی کے بعد از ٹیکس منافع میں 53 فیصد اضافہ

اسلام آباد۔(نمائندہ خصوصی ):انڈس موٹر کمپنی کے بعد از ٹیکس منافع میں گزشتہ مالی سال کے دوران سالانہ بنیادوں پر 53 فیصد کا اضافہ ہوا ہے۔ کمپنی کی جانب سے پاکستان سٹاک ایکسچینج میں جمع کردہ مالیاتی اعدادوشمار کے مطابق مالی سال 2025 میں کمپنی کو 23.010 ارب روپے کا خالص منافع حاصل ہوا جو گزشتہ مالی سال کی اسی مدت کے 15.072 ارب روپے کے مقابلہ میں 53 فیصد زیادہ ہے۔مالی سال کے دوران کمپنی کی فی حصص آمدنی 292.74 روپے ریکارڈ کی گئی جو مالی سال 2024 میں 191.76 روپے تھی۔ گزشتہ مالی سال کی آخری سہ ماہی میں 6.45 ارب روپے کا خالص منافع حاصل ہوا جو مالی سال 2024 کی اسی مدت کے مقابلہ میں 14 فیصد زیادہ ہے۔ مالی سال 2024 کی آخری سہ ماہی میں کمپنی کو 5.66 ارب روپے کا منافع حاصل ہوا تھا۔ آخری سہ ماہی میں کمپنی کی فی حصص آمدنی 82.13 روپے ریکارڈ کی گئی۔