ملک بھر میں سونے کی قیمت میں 2000 روپے کمی ریکارڈ

اسلام آباد۔(نمائندہ خصوصی)ملک بھر میں سونے کی قیمت میں 2,000 روپے کمی کے ساتھ فی تولہ سونا 3 لاکھ 18 ہزار روپے کا ہوگیا ۔آل پاکستان جیمز اینڈ جیولرز ایسوسی ایشن کے مطابق منگل کو سونے کی فی تولہ قیمت میں 2,000 روپے کمی کے بعد فی تولہ سونا 3 لاکھ 18 ہزار روپے کا ہوگیا ہے جبکہ 24 قیراط سونے کے 10 گرام کی قیمت بھی 1,715 روپے کمی کے بعد 274,348 روپے سے کم ہو کر 272,633 روپے ہوگئی، 10 گرام 22 قیراط سونے کی قیمت 251,464 روپے سے کم ہو کر 249,922 روپے ہوگئی۔آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی 50 روپے کمی کے بعد 3,170 اور دس گرام چاندی کی قیمت 43 روپے کمی کے بعد 2,717 ہو گئی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,038 ڈالر سے کم ہو کر 3,010 ڈالر ہو گئی۔