پی ٹی وی کے اینکر کے حوالے سے حنیف عباسی کا بیان سیاق و سباق سے ہٹ کر پیش کیا جا رہا ہے، کم ریٹنگ اور خسارے والے تمام شوز بند کر دیئے گئے ہیں، عطاء اللہ تارڑ

اسلام آباد(نمائندہ خصوصی )وفاقی وزیر اطلاعات عطاء اللہ تارڑ نے کہا ہے کہ پی ٹی وی کے اینکر کے حوالے سے حنیف عباسی کا بیان سیاق و سباق سے ہٹ کر پیش کیا جا رہا ہے، کم ریٹنگ اور خسارے والے تمام شوز بند کر دیئے گئے ہیں۔جمعہ کو سماجی رابطے کے پلیٹ فارم ”ایکس“ پر اپنی ایک پوسٹ میں وفاقی وزیر اطلاعات نے کہا کہ پی ٹی وی کے اینکر کے حوالے سے میرے بھائی حنیف عباسی کا بیان سیاق و سباق سے ہٹ کر پیش کیا جا رہا ہے، کم ریٹنگ اور خسارے والے تمام شوز بند کر دیئے گئے ہیںسفارشیوں کو عزت کے ساتھ رخصت کر دیا گیا ہے اور پرائیویٹ چینلز کے لئے اچھی ریٹنگ والے اینکرز کو موقع دیا گیا ہے۔ حنیف عباسی صاحب نے سفارشیوں کی بات کی جن کے شوز بند کر دیئے گئے ہیں۔