عمران خان کے اعصاب جواب دے گئے ہیں تو پورا سچ بھی اگل دیں،کہہ ڈالیں کہ ہاں پی ٹی آئی کو فوج سے میں نے لڑایا، عرفان صدیقی کا ٹویٹ

اسلام آباد۔(نمائندہ خصوصی ):سینیٹ میں پاکستان مسلم لیگ (ن) کے پارلیمانی پارٹی لیڈر اور خارجہ امور کمیٹی کے سربراہ سینیٹر عرفان صدیقی نے کہا ہے کہ عمران خان بہادر بنیں، اعصاب جواب دے گئے ہیں تو پورا سچ بھی اگل دیں ،کہہ ڈالیں کہ ہاں پی ٹی آئی کو فوج سے میں نے لڑایا، پنڈی پر یلغار میں نے کی۔ہفتہ کو سینیٹر عرفان صدیق نے ایکس پر اپنی ایک پوسٹ میں کہا کہ عمران خان کہہ ڈالیں کہ کبھی خود اور کبھی بیگم پر قاتلانہ حملوں کے الزامات میں نے لگائے، 9 مئی کی سازش میں نے کی، فوجی تنصیبات اور شہدا کی یادگاروں پر حملے میں نے کرائے، ہیلی کاپٹر حادثے کے شہدا کا مضحکہ میں نے اڑایا، سوشل میڈیا پر فوج کے خلاف مہم میں نے چلوائی، جیل میں بیٹھ کر فوج اور چیف کے خلاف مضمون میں لکھ رہا ہوں۔الزام دوسروں کے سر تھوپنے کے بجائے بہادری کا مظاہرہ کریں۔سینیٹر عرفان صدیقی نے ایکس پر پوسٹ میں (ظفر اقبال سے معذرت کے ساتھ)ایک شعر بھی شیئر کیا۔

مان لو تم نے ہی یہ سب کچھ کیا عمران خاں