وساکھی میلہ کی تقریبات میں شرکت کے لیے سکھ یاتری پاکستان پہنچ گئے

لاہور( نمائندہ خصوصی):وفاقی وزارت برائے مذہبی امور برائے بین المذاھب ہم آہنگی کے زیر انتظام وساکھی میلہ اور327 ویں خالصہ دن کی تقریبات میں شرکت کے لیے جمعہ کے روز بھارت سے سکھ یاتری واہگہ بارڈر کے راستے پاکستان پہنچ گئے۔ پردھان پاکستان سکھ گورو دوارہ پر صوبائی وزیر سردار رمیش سنگھ اروڑا ،پربندھک کمیٹی کے ممبران سمیت کمشنر اور ڈی سی لاہور نے یاتریوں کا استقبال کیا۔ اس موقع پر ایڈیشنل سیکرٹری شرائنز نے کہا کہ سکھ یاتریوں کو پاکستان میں قیام ،لنگر، ٹرانسپورٹ اور میڈیکل کی سہولیات فراہم کے بہترین انتظامات کیے گئے ہیں۔جتھہ لیڈر سردار ہرجیت سنگھ پیا نے کہا کہ پاکستان امن پسند ملک ہے ،دنیا بھر کا سکھ یہاں آنا چاہتا ہے، پاکستان میں بہت عزت اور احترام ملتا ہے۔ یاتریوں کو قافلوں کی صورت میں گورو دوارہ جنم استھان ننکانہ لے جایا جائے گا ۔ یاد رہے کہ وساکھی میلہ کی مرکزی تقریب14 اپریل کو گورو دوارہ پنجہ صاحب میں ہو گی ۔