اسلام آباد( نمائندہ خصوصی):اے این ایف نے ملک کے مختلف شہروں میں منشیات اسمگلنگ کے خلاف جاری کریک ڈاؤن میں 4 کاروائیوں کے دوران 9 ملزمان گرفتار کر کے 87 لاکھ سے زائد مالیت کی 49.7 کلوگرام منشیات برآمد کر لی۔ ترجمان اے این یف کے مطابق موٹروےٹول پلازہ اسلام آباد کے قریب گاڑی سے 28.8کلوگرام چرس،500گرام آئس برآمد کر کے 2ملزمان کوگرفتار کر لیا گیا، 
بیدیاں کلاں شیخوپورہ کے قریب موٹر سائیکل سوار 3 ملزمان کے قبضے سے 10کلوگرام چرس ، سہراب گوٹھ کراچی کے قریب ملزم کے قبضے سے 6کلوگرام چرس برآمد کر لی گئی۔ اسی طرح کالاشاہ کاکو ٹول پلازہ لاہور کے قریب گاڑی سے 4.4کلوگرام ہیروئن برآمد کر کے 3ملزمان کو گرفتار کرلیا گیا۔ انہوں نے کہا کہ کاروائیوں کا انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔
