اسلام آباد( نمائندہ خصوصی):وزیر اعظم محمد شہباز شریف نے پاکستان کی مخلصانہ سفارتی کوششوں کی حمایت پر برطانوی وزیراعظم سمیت یورپی و بین الاقوامی رہنماؤں کا شکریہ ادا کیا کرتے ہوئے کہا ہے کہ خطے میں پائیدار امن و استحکام کے لیے سازگار حالات پیدا کرنے کی خاطر جنگ بندی کو برقرار رکھنا انتہائی اہم ہے۔”ایکس” پر اپنے پیغام میں وزیر اعظم نے بتایا کہ انہیں جمعہ کو برطانیہ کے وزیراعظم سٹارمر کی جانب سے ایک خوشگوار ٹیلیفون کال موصول ہوئی۔وزیر
اعظم نے پاکستان کی مخلصانہ سفارتی کوششوں کی حمایت پر ان کا شکریہ ادا کیا جنہوں نے ایران اور امریکہ کے درمیان جنگ بندی کو ممکن بنانے اور مذاکرات کو آگے بڑھانے میں مدد دی۔ وزیر اعظم نے کہا کہ وہ اہم یورپی اور بین الاقوامی رہنماؤں، بشمول وزیراعظم اسٹارمر، کے مشترکہ بیان کا بھی خیرمقدم کرتا ہیں جس میں ہماری امن کی کوششوں کی تائید کی گئی ہے۔وزیر اعظم نے بتایا برطانوی وزیراعظم سے بات چیت میں ہم نے اس بات پر اتفاق کیا کہ خطے میں پائیدار امن اور استحکام کے لیے سازگار حالات پیدا کرنے کی خاطر جنگ بندی کو برقرار رکھنا انتہائی اہم ہے۔ ہم نے پاکستان اور برطانیہ کے درمیان باہمی دلچسپی کے تمام شعبوں میں تعلقات کو مزید مضبوط بنانے کے طریقوں پر بھی تبادلہ خیال کیا۔ وزیر اعظم نے کہا کہ وہ برطانیہ کے وزیراعظم اسٹارمر کو پاکستان میں خوش آمدید کہنے کے منتظر ہیں ۔
خطے میں پائیدار امن و استحکام کے لیے سازگار حالات پیدا کرنے کی خاطر جنگ بندی کو برقرار رکھنا انتہائی اہم ہے، وزیراعظم شہبازشریف
