پاکستان کا امریکا اور ایران کے درمیان جنگ بندی میں کلیدی کردار ’’اسلام آباد ٹاکس‘‘ ایکس پرٹاپ ٹرینڈبن گیا

اسلام آباد۔( نمائندہ خصوصی):پاکستان کا امریکا اور ایران کے درمیان جنگ بندی میں کلیدی کردار ’’اسلام آباد ٹاکس‘‘ ایکس پرٹاپ ٹرینڈبن گیا،ایران جنگ بندی میں موثرسفارتکاری اورکامیاب ملٹری ڈپلومیسی کی بدولت عالمی منظرنامےمیں پاکستان مرکزنگاہ بن گیا۔سوشل میڈیا پلیٹ فارم ’’ایکس‘‘ پرصارفین نے پاکستانی حکومت اورعسکری قیادت کی بھرپورپذیرائی کی اور انہیں عالمی امن کاسفیرقراردیا۔ عالمی رہنمائوں کی جانب سے بھی امریکا اور ایران کے درمیان جنگ بندی کے لئےبطورثالث پاکستان کے نتیجہ خیزکردارکی بھر پورستائش کی جارہی ہے۔صارفین نے کہا ہے کہ پاکستان نےامریکا،اسرائیل اور ایران کے درمیان جنگ بندی کے لئے بروقت اورموثر اقدامات کئے، پاکستان کی کامیاب سفارت کاری نے خطےکوبڑی تباہی سے بچا لیا۔ماہرین نے کہا ہے کہ جنگ بندی میں پاکستان کاکلیدی کردارنہ صرف ملک کاوقاربلندکرتاہےبلکہ خطے کےمعاشی اوردفاعی مفادمیں ہے، یہ بات انتہائی قابل ستائش ہے کہ دنیامیں امن کے فیصلے اب پاکستان میں ہوں گے۔